माहूर तालुक्यातील ग्रामपंचायत सरपंच पदाची आरक्षण सोडत जाहीर ! ६२ ग्रा.प. पैकी ३३ ग्रा.प. मध्ये महिला कारभारी होणार ! @ अनुसूचित जमाती सर्वसाधारण २० , अनुसूचित जमाती महिला २२,अनुसूचित जाती महिला १ , ना.मा.प्र. सर्वसाधारण २, ना.मा.प्र. महिला ३, खुला सर्वसाधारण, ७ खुला महिला ७ @
माहूर तालुक्यातील ग्रामपंचायत सरपंच पदाची आरक्षण सोडत जाहीर !
६२
ग्रा.प. पैकी ३३ ग्रा.प. मध्ये महिला कारभारी होणार !
@ अनुसूचित जमाती सर्वसाधारण २० , अनुसूचित जमाती महिला २२,अनुसूचित जाती महिला १ , ना.मा.प्र. सर्वसाधारण २, ना.मा.प्र. महिला ३, खुला सर्वसाधारण, ७ खुला महिला ७ @
पॉलिटिक्स स्पेशल लाईव्ह
माहूर (राजकिरण देशमुख) :- सन २०२१ ते २०२५ करिता तालुक्यातील एकूण ६२ ग्रामपंचायत पैकी अनुसूचित जाती, जमाती प्रवर्गासाठी आरक्षित असलेल्या ४३ ग्रा.प. वगळून इतर १९ ग्रा.प.च्या सरपंच पदाच्या आरक्षणाची सोडत आज माहूर येथील प्रशासकीय इमारतीमध्ये पं.स.च्या वसंतराव नाईक सभागृहात दुपारी १२ :०० वा काढण्यात आल्या त्यामध्ये नुकत्याच ग्रा.प.च्या सार्वत्रिक निवडणूक झालेल्या आष्टा, आसोली, आनमाळ, हरडफ, हडसनी,पापलवाडी, मेट, सेलू, सिंदखेड, लिंबायत या ग्रा.प. पैकी अनुसुचित जमाती सर्वसाधारण सेलू,आष्टा,हरडप, या तीन ग्रा.प. तर अनुसुचित जमाती महिला प्रवर्ग सिंदखेड, अनुसुचित जाती महिला प्रवर्ग आनमाळ, ना.मा.प्र. सर्वसाधारण आसोली,खुला महिला प्रवर्ग हडसनी व पापलवाडी, खुला सर्व साधारण लिंबायत व मेट अशी सोडत निघाली.
उर्वरित ५२ ग्रा.प. मध्ये अनुसूचित जमाती सर्वसाधारण प्रवर्ग टाकळी, वसरामतांडा, गोकुळनगर, लोकरवाडी, हरडप, उमरा, तुळशी, वाई बाजार, अंजनखेड, गोंडवडसा रुपलानाईक तांडा, दिगडी (कु.), पानोळा, भोरड, पाचोंदा, साकुर, दिगडी (धा.) गोकुळ गोंडेगाव, अनुसूचित जमाती महिला प्रवर्ग पडसा, वडसा, सायफळ, मदनापूर, सावरखेड, सतिगुडा,म.पार्डी, करंजी, भगवती, वायफनी, चोरड, लसनवाडी, मलकागुडा तांडा, वानोळा, मुंगशी, मेंडकी, हिंगणी, बंजारातांडा, मलकागुडा,मुरली,शेकापूर ना.मा.प्र. सर्वसाधारण लखमापूर, ना.मा.प्र. महिला प्रवर्ग पवनाळा, ईवळेश्वर, तांदळा, खुला सर्वसाधारण गुंडवळ, कुपटी, लांजी, महादापूर, शे.फ.वझरा, खुला महिला प्रवर्ग मांडवा, रुई, बोरवाडी, मालवाडा, दत्तमांजरी, असे सरपंचपदाचे आरक्षण घोषित झाले आहे. तहसीलदार सिद्धेश्वर वरणगावकर, नायब तहसीलदार नागेश गिड्डे, व्यंकटेश गोविंदवार अव्वल कारकून संतोष पवार यांनी अनुसूचित जाती जमाती प्रवर्ग व्यतिरिक्त खुला व ना.मा.प्र. सर्वसाधारण व महिला प्रवर्गाच्या १९ ग्रा.प. च्या आरक्षणाची सोडत चिठ्ठ्या टाकून विद्यार्थी यश जयपाल मोतेराव या बालकाच्या हस्ते चिठ्ठ्या काढून आरक्षण सोडत घोषित करण्यात आली. यावेळी माहूर तालुक्यातील ६२ ग्रा.प.च्या कार्यक्षेत्रातून नागरिकांनी मोठ्या संख्येने उपस्थिती लावली होती.सोडतीमध्ये काही गावपुढाऱ्यांचे अपेक्षे व्यतिरिक्त आरक्षण निघाल्याने हिरमोड झाला तर काहींना मनाजोगे घडल्याने आनंद व्यक्त केला असून काही खुश काही गम असे वातावरण होते.