अमरावतीमधील भाजप नेत्याला प्रकृती अस्वास्थ्यामुळे खालावली ; रुग्णालयात दाखल , कोरोना झाल्याचा अंदाज

पॉलिटिक्स स्पेशल लाईव्ह

अमरावती शहरात राहणाऱ्या भाजपच्या एका ज्येष्ठ नेत्याला प्रकृती अस्वास्थ्यामुळे नागपूरच्या रुग्णालयात दाखल करण्यात आले आहे.त्यांची प्रकृती खालावल्याने त्यांना व्हेंटीलेटरवर ठेवण्यात आल्याचेही कळते आहे. त्यांना कोरोनाची लागण झाल्याचे सांगण्यात येत असून त्यांची स्वॅब टेस्टही झाल्याचं कळाले आहे. या चाचणीमध्ये त्यांना कोरोनाची लागण झाल्याचे निदान करण्यात आल्याचे बोलले जात आहे. मात्र याबाबत अद्याप कोणीही अधिकृतरित्या दुजोरा दिलेला नाही.
माजी आमदार आणि काही काळ मंत्री असलेल्या या भाजप नेत्याची प्रकृती पाच दिवसापूर्वी खालावली होती. त्यामुळे त्यांना अमरावती येथील जिल्हा सामान्य रूग्णालय येथे भरती करण्यात आले.

त्यांच्या गळ्याला त्रास होत असल्यामुळे संबंधित डॉक्टरांनी त्यांच्या स्वॅबचे नमुने घेतले होते. हे नमुने तपासल्यानंतर त्यांना कोरोनाची लागण झाल्याचे निदान करण्यात आले असे बोलले जात आहे. यामुळे त्यांना सोमवारी रात्री अमरावतीमधल्याच सुपर स्पेशालिटी रुग्णालयात दाखल करण्यात आले. मात्र त्यांची प्रकृती नाजूक असल्याने त्यांना नागपूरला हलवण्याचा निर्णय घेण्यात आला. मंगळवारी सकाळी भाजप नेत्याला नागपूरला हलवण्यात आले. हा भाजप नेत्याच्या कुटुंबातील एकूण ३४ जणांना क्वॉरंटाइन करण्यात आले आहे. नेत्याचे दोघे भाऊ दुसरीकडे राहत असून त्यांच्यावर सुध्दा देखरेख ठेवण्यात आली आहे.