महागाव तालुक्यात कॉरंटाइन केलेल्या इसमावर पहिला गुन्हा

हिवरा येथील घटना ; महागाव पोस्टे ला गुन्हा दाखल

पॉलिटिक्स स्पेशल लाईव्ह
अनिल बोम्पीलवार
९४२३६५२४६३
हिवरा

हिवरा येथील राजू दत्ता राकडे हा इसम काम करण्याकरता बाहेरगावी गेला होता परंतु दिनांक ६.५.२०२० ला तो हिवरा येथे वापस आला गावातील आपत्ती व्यवस्थापन समिती ने त्याची तपासणी महागाव येथे करून त्याला होम कोरंटाईन करण्यात आले होते.

त्याला स्वतःचे घर नसल्यामुळे ग्रामपंचायतीने त्याची व्यवस्था शाळेमध्ये केली होती.परंतु तो नैसर्गिक आपत्ती व्यवस्थापन समितीचे अध्यक्ष एमआय शेख ,पोलीस पाटील प्रवीण कदम ,व ग्राम विकास अधिकारी व्हि.डी.सावळकर यांनी अनेक वेळा समजावून सांगितल्यावरही तो ऐकत नव्हता व गावांमध्ये फिरत होता त्याच्या फिरण्यामुळे त्याच्या पासून कोरोणाचा प्रसार होण्याची दाट शक्यता असल्याने संसर्ग रोखण्यासाठी शेवटी आपत्ती व्यवस्थापन समितीने महागाव पोलीस स्टेशन कडे धाव घेतली . सदर व्यक्तीवर गुन्हा दाखल करुन कायदेशीर कारवाई करण्यात यावी असे विनंती पत्र महागाव पोलिस स्टेशन कडे केले. यावरून महागाव पोलिसांनी राजू दत्ता राखडे यावर भादंवी.१८८,२६९,२७० अन्वये गुन्हे दाखल केले आहे. कोरंनटाईन व्यक्तीवर गुन्हे दाखल होण्याचा हा महागाव तालुक्यातील पहिलाच प्रसंग असावा.