वैष्णोदेवी मंदिर परिसरात प्रचंड गर्दी उसळली चेंगराचेंगरीत १२ भाविकांचा मृत्यू….
पॉलिटिक्स स्पेशल लाईव्ह
जम्मू काश्मीर :- माता वैष्णोदेवी मंदिर परिसरात चेंगराचेंगरी झाल्याची धक्कदायक घडली आहे.नववर्षाचे स्वागत करण्यासाठी प्रचंड गर्दी उसळली असतांना रात्री उशीरा झालेल्या चेंगराचेंगरीत १२ भाविकांचा मृत्यू झाला आहे.
दरवर्षी नवीन वर्षाचे स्वागत करण्यासाठी हजारो भाविक वैष्णोदेवी मंदिरात दर्शनासाठी येत असतात.दरम्यान यावर्षी कोरोनाचा प्रकोप असतांनाही हजारो भाविक दर्शनासाठी दाखल झाले होते.दरम्यान रात्री दोन वाजता काही भाविकांमध्ये वाद झाला.या वादाचे रूपांतर हाणामारीत झाले. यामुळे हजारो भाविकांची पळापळ सुरू झाली.
या पळापळीत १२ जणांचा मृत्यू झाला आहे.तर २० पेक्षा जास्त जखमी झाले आहेत.त्या जखमींची प्रकृती चिंताजनक आहे. चेंगराचेंगरीनंतर घटनेची माहिती मिळताच पोलिसांनी घटनास्थळी धाव घेऊन जखमींना रूग्णालयात दाखल केले. तर आता मंदिर परिसरातून भाविकांना सुरक्षितपणे बाहेर काढण्यात आले आहे.