अवैध रेती तस्कराची दिग्रस तहसीलदाराला धमकी… महसूल विभागात खळबळ…
अवैध रेती तस्कराची दिग्रस तहसीलदाराला धमकी…
महसूल विभागात खळबळ…
पुरुषोत्तम कुडवे ९८२२८८७०६५
पॉलिटिक्स स्पेशल लाईव्ह
दिग्रस :- तालुक्यात अवैध रेती वाहतुकीचे प्रमाण वाढलेले असताना अशातच दि. ७-१२-२० रोजी दुपारी ३:१५ च्या दरम्यान आर्णी मार्गाने दिग्रस कडे रेतीचा ट्रॅक्टर येत असल्याची गोपनीय माहिती मिळाल्यावरून तहसीलदार राजेश वजीरे यांना कळताच त्यांनी तलाठी सोबत घेऊन देववाडी पुनर्वसन गावाजवळ आर्णी बायपास जवळ बिना नंबरचे रेती ट्रॅक्टर अडवून या बाबत विचारपूस करतातच सदर आरोपी ने हमारा ट्रॅक्टर कैसे पकडते असे बोलून धमकी दिल्यावरून आरोपीविरुद्ध दिग्रस पोलिस स्टेशन ला ३७९,१८६,१८९,१८८, ५०६,३४ भादवी अंतर्गत गुन्हा नोंद केला आहे. सविस्तर वृत्त असे की, गोपनीय माहिती मिळाल्यावरून तहसीलदार राजेश वझीरे हे तलाठी इंगोले ,ढोले व कोतवाल अक्षय बेलखेडे यांच्यासह सदर अवैध रेती वाहतूकी वर कारवाई करण्यासाठी निघाले असता बायपास च्या समोर इदगाह जवळ एक बिना क्रमांकाचा लाल रंगाचा ट्रॅक्टर रेतीची वाहतूक करताना दिसून आला. सदर ट्रॅक्टर चालकास थांबविण्यास सांगितले असता तो थांबला मात्र त्याने नाव व पत्ता देण्यास नकार दिला पळून जाण्याच्या तयारीत असल्यामुळे चाबी मागितली असता त्यांनी काढून दिली.व पोलीस निरीक्षकास सदर घटनेची फोन द्वारे माहिती दिली. त्यानंतर पंचनामा करीत असताना ट्रॅक्टरचा मालक मोहम्मद मतीन अब्दुल मोबीन व त्यांचा मुलगा लकी तेथे आला. धमकी देऊन ट्रॅक्टर डायरेक्ट सुरू करून घेऊन गेला. व एक ब्रास रेती चोरटी वाहतूक करून ट्रॅक्टर पळून नेला अश्या आशयाचे तक्रारीवरून सदर आरोपीविरुद्ध गुन्हा नोंद केला आहे.