आज सायंकाळी पंतप्रधान नरेंद्र मोदी यांचा देशवासीयांशी संवाद…
पॉलिटिक्स स्पेशल लाईव्ह
दिल्ली :- पंतप्रधान नरेंद्र मोदी आज संध्याकाळी सहा वाजता देशाला संबोधित करणार आहेत . त्यांनी ट्विट करून ही माहिती दिली . कोरोना काळात मोदींचे हे 7 संबोधन असणार आहे . याआधी त्यांनी 30 जून रोजीच्या संबोधनात ते 17 मिनिटे बोलले होते . सध्या देशात लॉकडाऊन ५.० सुरु आहे . देशात अनेक गोष्टी सुरु झाल्या आहेत . ट्रेन , विमानसेवा पूर्ण क्षमतेने सुरु झाली नसली , तरी मेट्रो , रस्त्यावरील वाहतूक , हॉटेल , सिनेमा हॉल सुरु झाले आहेत.सध्या नवरात्रौत्सव सुरु आहे . पुढच्या महिन्यात दिवाळीचा सण आहे . सणांचे हे दिवस देशाच्या अर्थव्यवस्थेच्या दृष्टीने खूप महत्त्वाचे आहेत . लॉकडाऊनमुळे ढासळलेली अर्थव्यवस्था आता हळूहळू पूर्वपदावर येत आहे . पण अजूनही अर्थव्यवस्थेची गाडी पूर्णपणे रुळावर आलेली नाही . सणवाराच्या या काळात मोठी उलाढाल अपेक्षित आहे . त्या पार्श्वभूमीवर पंतप्रधान मोदी अर्थव्यवस्थेच्या दृष्टीने काय घोषणा करणार ? नवीन पॅकेज जाहीर करणार का ? कर्जदारांना दिलासा मिळणार का ? अशा अनेक प्रश्नांची उत्तरे आजच्या मोदींच्या संबोधनात अपेक्षित आहे .