निकालाची प्रतिक्षा संपली : बारावीचा निकाल उद्या जाहीर होणार

पॉलिटिक्स स्पेशल लाईव्ह
विशेष प्रतिनिधी

महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी ते मार्च 2020 मध्ये घेण्यात आलेल्या उच्च माध्यमिक प्रमाणपत्र इयत्ता बारावी परीक्षेचा निकाल मंडळाच्या कार्यपद्धतीनुसार जाहीर करण्यात येणार आहे.
महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे नागपूर औरंगाबाद मुंबई कोल्हापूर अमरावती नाशिक लातूर व कोकण या नऊ विभागीय मंडळामार्फत फेब्रुवारी ते मार्च 2020 मध्ये घेण्यात आलेल्या उच्च माध्यमिक प्रमाणपत्र इयत्ता बारावी परीक्षेचा निकाल मंडळाच्या अधिकृत संकेतस्थळावर गुरुवारी उद्या दिनांक 16 जुलै रोजी दुपारी एक वाजता ऑनलाईन जाहीर करण्यात येणार असल्याची माहिती महाराष्ट्र राज्य माध्यमिक व उच्च माध्यमिक शिक्षण मंडळाने दिली आहे निकाल पाहण्यासाठी मंडळाने अधिकृत तीन संकेतस्थळांचे प्रगटन केले आहे.

www.maharesult.nic.in
www.hscresult.mkcl.org
www.maharashtraeducation.com

परीक्षेत प्रविष्ट झालेल्या सर्व विद्यार्थ्यांचे विषय निहाय संपादन केलेले गुण उपरोक्त संकेतस्थळावरून उपलब्ध होतील व सदर माहितीची प्रत म्हणजेच प्रिंटआऊट घेता येणार आहे.