स्फोटांमध्ये दोन जण ठार ; मणिपुरमध्ये मतदानापूर्वी हिंसाचारांची मालिका सुरूच….

पॉलिटिक्स स्पेशल लाईव्ह
चुराचंदपूर :- सध्या देशात पाच राज्याच्या निवडणुकीचा जल्लोष पाहायला दिसतोय. अशात मागील काही दिवसापासुन मात्र मणिपुरमध्ये हिंसाचाराचे अनेक प्रकरणे समोर येत आहेत. मणिपूरमध्ये 60 जागांसाठी येत्या २८ फेब्रुवारी आणि ५ मार्च ला मतदान प्रक्रिया पार पडणार आहे यात मतदानाच्या दोन दिवस आधी शनिवारी रात्री चुराचंदपूर जिल्ह्यातील स्फोट झाला.
या स्फोटात एका लहान मुलासह दोन जण ठार आणि पाच जण जखमी झाले. गँगपिमुअल गावात हा स्फोट झाला.
या स्फोटात पाच जण जखमी झाले असुन लहान मुलासह दोन जणांचा मृत्यु झालाय.हा स्फोट कोणी घडवुन आणला याविषयी अद्याप माहिती नसुन पोलीस याविषयी अधिक तपास करत आहे.मणिपूर विधानसभा निवडणुकीच्या तारखा जाहीर झाल्यानंतर राज्यात हिंसाचाराचे अनेक प्रकरणे समोर आली आहेत यातील स्फोटाचे हे प्रकरण ही हिंसाचाराची पहिली मोठी घटना होती.
राज्यातील निवडणुकीशी संबंधित हिंसाचार वाढला असताना, मणिपुरचे राज्यपाल ला गानेसन यांनी काही दिवसापुर्वी हिंसाचार टाळण्याचे तसेच अनुचित प्रकार घडु नये आणि शांततापूर्ण निवडणूक प्रक्रिया पार पडावी असे आवाहन केले होते.