कृषिदुतांनी बनविले दुधापासून विविध पदार्थ….

पॉलिटिक्स स्पेशल लाईव्ह
उमरखेड- डॉ.पंजाबराव देशमुख कृषी वद्यापीठाअंतर्गत कृषी महाविद्यालय उमरखेड येथील आठव्या सत्रातील विद्यार्थ्यांनी मॉड्युल कार्यक्रमाअंतर्गत दुधापासून विविध पदार्थ बनविले.पनीर,खवा, श्रिखंड असे विविध लागणारे साहित्य व त्याची कृती यांचे प्रात्यक्षिक कृषिदुत यांनी करून दाखवले.
दुग्ध व्यवसाय हा शेतीस पूरक असा जोडधंदा आहे.बऱ्याच लोकांचा उदरनिर्वाह यावर अवलंबून आहे.सध्या दुधाला व दुग्धजन्य पदार्थांना प्रचंड मागणी आहे.फक्त दूध विकण्यापेक्षा त्यावर प्रक्रिया करून दुग्धजन्य पदार्थ तयार केल्यास दुधाचे आर्थिक मूल्य कित्येक पटीने वाढते. याबाबत कृषीकन्या कोमल काळबांडे,सजल राठोड व कृषीदुत सय्यद अनिस,शुभम वानखेडे व संजय राठोड यांनी पुढाकार घेऊन दुधापासून विविध पदार्थ कसे बनवायचे,बनविल्या कसे विकायचे व त्यापासून नफा कसा मिळवायचा या विषयी मार्गदर्शन केले.यावेळी प्राचार्य सचिन चिंतले सर व पशुसंवर्धन दुग्धशास्त्र विभागाचे प्रा.सचिन देशमुख सर यांचे विशेष मार्गदर्शन लाभले.