शालेय शिक्षणमंत्री वर्षा गायकवाड यांना कोरोनाची लागण ; ट्विट करत दिली माहिती….

पॉलिटिक्स स्पेशल लाईव्ह
मुंबई :- शालेय शिक्षणमंत्री वर्षा गायकवाड यांना कोरोनाची लागण झाली आहे. याबाबत त्यांनी स्वत: ट्विट करत माहिती दिली आहे. विधिमंडळाच्या हिवाळी अधिवेशनादरम्यान त्यांना कोरोनाचा संसर्ग झाल्याचे कळते.
यापूर्वी सोमवारी आदिवासी विकास मंत्री के.सी. पाडवी यांना देखील कोरानाचा संसर्ग झाला आहे.

वर्षा गायकवाड ट्विट करत म्हणाल्या, ‘मला काल संध्याकाळी कोरोनाचे सौम्य लक्षणे जाणवले त्यानंतर मी कोरोना चाचणी केल्यानंतर कोरोना विषाणूची लागण झाल्याचे समजले. लक्षणे तुलनेने सौम्य आहेत. मी ठीक आहे. सध्या प्रकृती व्यवस्थित असून सुरक्षेच्या कारणामुळं आयसोलेट करुन घेतलं. गेल्या काही दिवसांपासून मला जे भेटले त्यांनी खबरदारी घ्यावी, असे अवाहनही वर्षा गायकवाड यांनी केले आहे.’ असे ट्विट वर्षा गायकवाड यांनी केले आहे.
दरम्यान, सोमवारी काँग्रेस नेते आणि आदिवासी विकासमंत्री के. सी. पाडवी यांना देखील कोरोना ससंर्ग झाल्याचं समोर आलं होतं. त्यानंतर ते देखील आयसोलेट झाले होते. काल के. सी. पाडवी आणि आज वर्षा गायकवाड यांचा कोरोना रिपोर्ट पॉझिटिव्ह आला आहे. त्यामुळे मंत्रीमंडळात एकच खळबळ उडाली आहे.