गेल्या 24 तासात एक पॉझिटिव्ह ; एक मृत्यू…
पॉलिटिक्स स्पेशल लाईव्ह
यवतमाळ दि. 30 नोव्हेंबर :-
गेल्या 24 तासात जिल्ह्यात एक कोरोना पॉझिटिव्ह रूग्ण आढळून आला तर कोरोनामुक्त झालेल्यांची संख्या निरंक असून एक कोरोनाबाधीताचा मृत्यू झाला आहे. सध्या ॲक्टीव्ह पॉझिटीव्ह रुग्णांची संख्या जिल्ह्यात 10 तर बाहेर जिल्ह्यात तीन अशी एकूण 13 झाली आहे.
जि.प. आरोग्य विभागातर्फे प्राप्त अहवालानुसार आज एकूण 434 जणांचे रिपोर्ट प्राप्त झाले. यापैकी एक अहवाल पॉझिटिव्ह असल्याने उर्वरित 433 जणांचे रिपोर्ट निगेटिव्ह आले आहेत. आज पॉझिटिव्ह आलेल्यांमध्ये राळेगाव येथील एका पुरूषाचा समावेश आहे. जिल्ह्यात आतापर्यंत एकूण पॉझेटिव्ह रुग्णांची संख्या 72938 आहे तर बरे झालेल्यांची एकूण संख्या 71137 आहे.
आज मृत झालेल्यामध्ये पेशवे प्लॉट, यवतमाळ येथील 75 वर्षीय महिलेचा समावेश आहे. सदर महिलेने कोरोनाची लस घेतलेली नव्हती. जिल्ह्यात कोरोनामुळे एकूण 1788 मृत्यूची नोंद आहे.
जिल्ह्यात आतापर्यंत सात लक्ष 65 हजार 568 चाचण्या झाल्या असून त्यापैकी सहा लक्ष 92 हजार 540 निगेटिव्ह आहेत. सद्यस्थितीत जिल्ह्याचा पॉझिटीव्हीटी दर 9.53 असून दैनंदिन पॉझिटीव्हीटी 0.23 आहे तर मृत्यूदर 2.45 आहे.
जीएमसी, डीसीएचसी व खाजगी रुग्णालयात 1752 बेड उपलब्ध आहेत.
जिल्ह्यातील शासकीय वैद्यकीय महाविद्यालय, 11 डेडीकेटेड कोव्हीड हेल्थ सेंटर आणि 16 खाजगी कोव्हीड हॉस्पीटलमध्ये एकूण बेडची संख्या 1769 आहे. यापैकी 17 बेड रुग्णांसाठी उपयोगात असून 1752 बेड उपलब्ध आहेत. यात शासकीय वैद्यकीय महाविद्यालयात एकूण 787 बेडपैकी 17 बेड रुग्णांसाठी उपयोगात असून 770 बेड शिल्लक, 11 डीसीएचसीमध्ये एकूण 755 बेडपैकी पुर्ण 755 बेड शिल्लक आणि 16 खाजगी कोव्हीड रुग्णालयात एकूण 227 बेडपैकी पुर्ण 227 बेड शिल्लक आहेत.