राष्ट्रीय महामार्गावर शवपेटी सापडल्याने खळबळ….

पॉलिटिक्स स्पेशल लाईव्ह
अनिल बोम्पीलवार
हिवरा संगम :-
नागपूर तुळजापूर या राष्ट्रीय महामार्ग क्रमांक 361 वरील हिवरा संगम येथून जवळच असलेल्या मुस्लिम कब्रस्तान जवळ रस्त्याच्या कडेला ख्रिश्चन धर्मीयांमध्ये दफन विधी करण्यासाठी वापरात येणारी ताबूत (शवपेटी) सापडल्याने खळबळ उडाली असून, सदर शवपेटी पेटीमध्ये रक्ताचे डाग सुद्धा आहे. सदर घटनेमुळे परिसरात विविध तर्कवितर्कांना पेव फुटले आहे. बघ्यांची गर्दी वाढत आहे. याच ठिकाणाच्या जवळ काल एका अज्ञात महिलेचा मृतदेह सुद्धा आढळून आला होता .

याविषयीची माहिती येथील उपसरपंच शरद पाटील यांनी महागाव पोलिस स्टेशनला कळविली असून घटनास्थळावर दाखल होऊन,महागाव पोलिसांनी शवपेटी ताब्यात घेतली असून पुढील तपास करीत आहे.