इराणी टोळीने वृद्धास लुटले ; दोन अंगठ्या केल्या लंपास ; महागाव शहरातील घटना

पॉलिटिक्स स्पेशल लाईव्ह
रियाज पारेख : ९६३७८८६७७७
महागाव :

अधिकारी असल्याचा बनाव करून नागरिकांना लुटणाऱ्या इराणी गँगने शहरात एका वृद्धास लुटल्याची घटना आज दुपारी १ च्या सुमारास महागाव शहरातील फुलसावंगी रोडवर घडली आहे.

“आम्ही पोलीस असून चोरट्यांनी महागाव शहरात धमाकुळ घातला आहे.त्यामुळे अंगावरील सोन्याचे दागिने आणि खिशातील पैसे सांभाळून ठेवा.हातात आणि गळ्यात सोने घालू नका ” असे सांगून हातातील दोन अंगठ्या काढून ठेवण्यास सांगितले .हातचलाखी करून प्रत्येकी पाच ग्रॅम वजनाच्या अंगठ्या इराणी गँगने लंपास केल्या आहेत .सदर वृध्द हा महागाव तालुक्यातील टेंभी येथील असल्याचे समजते.पोलिसांनी शहरातील प्रमूख सीसीटिव्ही फुटेज तपासले परंतु इराणी टोळीचा थांगपत्ता लागला नाहीं. वृत्तलीहेपर्यंत घटनेची फिर्याद पोलीस स्टेशन ला देण्यात आली नव्हती.त्यामुळे सदर वृद्धाचे नाव कळू शकले नाही.