सामाजिक उपक्रमाद्वारे उद्धवजी ठाकरे यांचा वाढदिवस साजरा
पॉलिटिक्स स्पेशल लाईव्ह
यवतमाळ :
महाराष्ट्राचे मुख्यमंत्री तथा शिवसेना पक्षप्रमुख माननीय उद्धवजी ठाकरे यांचा वाढदिवस जिल्ह्यात विविध सामाजिक उपक्रमांचे आयोजन करून साजरा करण्यात आला. वाढदिवसाला कोणताही उत्सव, हारतुरे आदींचा वापर न करता त्या ऐवजी सामाजिक व जनहिताचे उपक्रम राबविण्यात यावेत असे आवाहन स्वतः उद्धवजी ठाकरे यांनी केले होते. या आवाहनास अनुसरून यवतमाळ जिल्हा शिवसेनेतर्फे सामाजिक अंतर राखून आणि सर्व नियमांचे पालन करून विविध सामाजिक व लोकोपयोगी उपक्रम राबविण्यात आले. यवतमाळ येथे हेलिपॅड मैदाना जवळील मोकळ्या जागेत वृक्षारोपण तथा अर्सेनिक अल्बम या रोगप्रतिकारक औषधाचे वाटप करून वाढदिवस साजरा करण्यात आला. जिल्हाप्रमुख पराग पिंगळे जिल्हाप्रमुख राजेंद्र गायकवाड, माजी आमदार श्रीकांत मुनगीनवार, निवासी उपजिल्हाप्रमुख प्रवीण पांडे, उपजिल्हाप्रमुख किशोर इंगळे, उपजिल्हाप्रमुख गजानन डोमाळे, तालुका प्रमुख संजय रंगे यांच्या प्रमुख उपस्थितीत 60 वृक्षांची लागवड करण्यात आली, त्यानंतर गरजूंना अर्सेनिक अल्बम औषधाचे वाटप करण्यात आले. कार्यक्रमाला जिल्हा परिषद सदस्य सचिन राठोड, नगरसेवक निलेश बेलोकार ,गिरीश व्यास, चंद्रकांत उडाखे, राजू कोहरे, राजू राऊत, चेतन शिरसाट, सचिन बारस्कर, गोलू जोमदे, ऋषी इलमे इत्यादी शिवसैनिक हजर होते.