उमरखेड उपविभाग पहिल्याच दिवशी १०० टक्के संचारबंदी , विनाकारण बाहेर फिरणाऱ्यांना चोप

पॉलिटिक्स स्पेशल लाईव्ह
रियाज पारेख : ९६३७८८६७७७
महागाव :

यवतमाळ कोरोनाचा प्रकोप दिवसागणिक वाढत आहे . यवतमाळसह पांढरकवडा ,नेर आणि पुसद येथे या चार शहरात 31 जुलैपर्यंत लॉकडाऊन करण्यात आलं आहे. तर कोरोनाची साखळी तोडण्यासाठी प्रशासनाने उमरखेड उपविभागातील महागाव व उमरखेड तालुक्यात काल रात्रीपासून संचारबंदी लागू करण्यात आली . या संचारबंदी दरम्यान केवळ दवाखाने आणि औषधी दुकानांना सुरू ठेवण्यास मुभा देण्यात आली आहे.

आज जिल्ह्यात लॉकडाउनचा पहिला दिवस असल्यानं अत्यावश्यक सेवेतील दुकाने वगळता बाकी सर्व दुकाने 100 टक्के बंद ठेवण्यात आली होती. या लॉकडाऊनमुळे नेहमीच गजबजलेले रस्ते ओस पडलेले दिसून आले. पोलिसांनी सुद्धा चोख बंदोबस्त ठेवत विनाकारण घराबाहेर फिरणाऱ्या तरुणांना प्रसाद दिला, एकंदरीत लॉकडाउन आज दिवसभरात 100 टक्के यशस्वी झाला आहे.