शिक्षण नको , पण ऑनलाइन आवरा !

न परवडणाऱ्या खर्चामुळे पालकांची दमछाक न परवडणाऱ्या खर्चामुळे पालकांची दमछाक

पॉलिटक्स स्पेशल लाईव्ह
पाल्यास दर्जेदार शिक्षण मिळावे, या हेतूने आजवर पालकांना शिक्षणसंस्थांचा शोध घेण्यासाठी पायपीट करावी लागत होती, टाळेबंदीत ती थांबली आणि ऑनलाइन शिक्षणक्रमाने वेग घेतला. शाळेत येता येत नसेल तर घरात शिका, असा आग्रह काही शाळांनी धरला आहे. मात्र, त्यासाठी आवश्यक इंटरनेट सुविधा, महागडे स्मार्टफोन आणि त्यासोबत लागणारी इतर सामग्री विकत घेताना पालकांच्या उरात धडकी भरली आहे.

टाळेबंदीच्या दुसऱ्या-तिसऱ्या टप्प्यात नवी मुंबईतील शाळांकडून ऑनलाइन शिक्षणाचा पर्याय ठेवण्यात आला. त्याला काही पालकांनी प्रतिसादही दिला. परंतु, पाल्याच्या शिक्षणक्रमाचा व्याप जसजसा वाढत गेला तसा शिक्षकांकडून अभ्यास पूर्ण करण्यावर भर दिला जाऊ लागला. पुस्तकातील शिकवलेला काही भाग निव्वळ ‘ऑनलाइन’ सोडता येत नाही. तो ‘ऑफलाइन’ म्हणजेच कागदावर उतरवावा लागतो. त्यासाठीची कसरत सध्या पालक आणि विद्यार्थ्यांना करावी लागत आहे. यासाठी उपलब्ध इंटरनेट वेग याशिवाय अधिक माहिती साठवणारा ‘स्मार्टफोन’ आवश्यक आहे. हे सारे खर्च शाळांनी पालकांवरच सोपवल्याने ऑनलाइन शिक्षणाच्या शर्यतीत पालक आणि विद्यार्थ्यांची दमछाक होत असल्याचे स्पष्ट झाले आहे.

साकल्याने विचाराची गरज

विद्यार्थ्यांचे शैक्षणिक वर्ष वाया जाऊ नये, यासाठी ऑनलाइन शिक्षण सुविधा पुरविण्याचे सरकारचे आदेश आल्याने नवी मुंबई महानगरपालिकेने पुढाकार घेतला.

पाल्यांना शाळेशिवाय घरात बसवणे त्याचे नुकसान करणारे आणि त्याला ऑनलाइन शिक्षण घेण्यासाठीच्या शर्यतीत सोडणेही पालकांसाठी अडचणीचे ठरत आहे.

पालिका शाळांमधील विद्यार्थ्यांचे काय?
पालिका शाळांमध्ये गरजू आणि आर्थिकदृष्टय़ा दुर्बल विद्यार्थ्यांची संख्या अधिक आहे. त्यामुळे ऑनलाइन शिक्षण पद्धतीत हातावर पोट असलेल्या पालकांसाठी सारा खर्च आवाक्याबाहेरचा आहे. काही पालकांची दोन पाल्ये शिकत आहेत. त्यांना एकाच वेळी अशी शिक्षणसुविधा पुरवणे जिकिरीचे आहे. त्यामुळे असे शिक्षण परवडेल अशा खर्चात करून देण्यासाठी सरकारने गांभीर्याने विचार करावा, अशी मागणी पालकांतून होत आहे.