पोलीस कर्मचाऱ्याची गळफास घेऊन आत्महत्या

पॉलिटिक्स स्पेशल लाईव्ह
यवतमाळ :
शहरातील पाळसवाडी पोलीस वसाहत परिसरात राहणाऱ्या एका २८ वर्षीय पोलीस कर्मचाऱ्याने गळफास लावून आत्महत्या केली.या घटनेने एकच खळबळ उडाली ही घटना मंगळवार, १२ मे रोजी रात्री ८ वाजताच्या सुमारास उघडकीस आली. संजय रतीराम साबळे वय २८ वर्ष रा. पोलीस वसाहत, यवतमाळ असे मृत पोलीस कर्मचाऱ्याचे नाव आहे.
कोरोनाचा प्रादुर्भाव रोखण्यासाठी पोलीस प्रशासन अहोरात्र झटत आहे. यवतमाळ शहर रेडझोनमध्ये असल्याने पोलिसांवर मोठी जबाबदारी आलेली आहे. अशातच पळसवाडी पोलीस वसाहतीत राहणाऱ्या एका २८ वर्षीय पोलीस कर्मचारी संजय साबळे याने आपल्या घरातच मंगळवारी गळफास लावून आपली जीवनयात्रा संपवली.याबाबतची माहिती मिळताच अप्पर पोलीस अधीक्षक नुरुल हसन, उपविभागीय पोलिस अधिकारी माधुरी बाविस्कर, शहरचे ठाणेदार धनंजय सायरे, आदींसह पोलीस अधिकारी, कर्मचाऱ्यांनी घटनास्थळी धाव घेतली. दरम्यान घटनास्थळाचा पंचनामा करून मृतदेह उत्तरीय तपासणीसाठी जिल्हा शासकीय रुग्णालयात पाठविण्यात आला. साबळे हे पोलीस मुख्यालयात असून सध्या कोरोना प्रतिबंधित क्षेत्रात अनेक दिवसांपासून आपले कर्तव्य बजावत होते. गेल्या महिन्याभरा पूर्वी त्याने वॉट्सप्प वर स्टेटस ठेऊन तो विवंचनेत असल्याचे सांगितल्याचे माहिती यावेळी सूत्रांनी दिली संजय साबळे याची पत्नी प्रसूती साठी माहेरी गेली असून तो सध्या एकटाच या वसाहतीत राहत होता.