महागाव तालुक्यातील पहिल्या टप्प्यात मुदत संपलेल्या 38 ग्रामपंचायतवर 7 मे पासून प्रशासक

पॉलिटिक्स स्पेशल लाईव्ह
महागाव

तालुक्यातील पहिल्या टप्प्यात मुदत संपलेल्या 38 ग्रामपंचायतवर प्रशासक नेमण्याची कार्यवाही सुरू झालेली आहे 7 मे रोजी कार्यरत असलेल्या सरपंच व सदस्यांची मुदत संपत असल्यामुळे ही कार्यवाही सुरू झालेली आहे. पंचायत समितीमध्ये कार्यरत असलेल्या विस्तार अधिकाऱ्यांना प्रशासक म्हणून नेमणूक देण्यात येणार आहे विस्तार अधिकाऱ्यांची संख्या कमी असल्यामुळे साधारण पाच ते सहा ग्रामपंचायतचा कारभार एका-एका विस्तार अधिकाऱ्यांना देण्यात येणार आहे.

कोविड 19 मुळे निर्माण झालेल्या आपत्ती व्यवस्थापनामुळे ग्रामपंचायतच्या लागलेल्या निवडणुका पुढे ढकलण्यात आलेल्या आहेत पहिल्या टप्प्यात मुदत संपलेल्या 38 ग्रामपंचायतचा निवडणूक कार्यक्रम घोषित झाला होता नामांकन दाखल होऊन छाननी सुद्धा झालेली आहे दरम्यान शासनाने सदर निवडणुका पुढे ढकललेल्या आहेत निवडणूक लागलेल्या त्या ग्रामपंचायतची मुदत 7 मे रोजी संपत आहे अशा मुदत संपणाऱ्या ग्रामपंचायतवर एक दिवस पूर्व प्रशासक नेमण्याची कार्यवाही ही सुरू झालेली आहे.7 मे आणी 9 मे रोजी महागाव तालुक्यातील एकूण 77 ग्रामपंचायतची मुदत संपणार आहे त्यापूर्वीच सदर ग्रामपंचायत वर प्रशासक नेमण्याची कार्यवाही सुरू झालेली आहे.

प्रशासक पदावर नेमणूक करताना आहेत या सरपंचाला प्रशासक म्हणून नेमणूक देण्यात यावी किंवा कार्यरत सरपंच सदस्यांना मुदतवाढ देण्यात यावी कोविड 19 साथरोग नियंत्रणामध्ये सरपंच सदस्यांची भूमिका अतिशय महत्त्वाची राहिलेली आहे साथरोग नियंत्रण करताना जनजागृती करणे गरजूंना मदत करणे समाज उपयोगी काम सरपंच सदस्य करू लागलेले आहे त्यामुळे त्यांनाच प्रशासक म्हणून नेमणूक करणे किंवा मुदतवाढ देण्याची मागणी सरपंच प्रवीण ठाकरे पाटील यांनी प्रशासनाकडे केली आहे.