राष्ट्रपती पदाची ऑफर स्वीकारली नाही ; भाजपावर थेट निशाणा….

पॉलिटिक्स स्पेशल लाईव्ह
लखनऊ :- मी कोणत्याही पक्षाकडून राष्ट्रपतीपदाची ऑफर स्वीकारणार नाही, असे स्पष्ट करीत बसपाच्या अध्यक्षा मायावती यांनी रविवारी भाजपवर थेट निशाणा साधला. उत्तर प्रदेशच्या निवडणुकीत विजयी होण्यासाठी भाजप आणि राष्ट्रीय स्वयंसेवक संघाने (आरएसएस) खोटा प्रचार केला होता, असा आरोपही त्यांनी यावेळी केला.
उत्तर प्रदेशच्या विधानसभा निवडणुकीच्या निकालानंतर मायावती यांनी रविवारी पहिल्यांदा आपल्या पक्षाची आढावा बैठक घेतली. या बैठकीत मायावती यांनी बसपाच्या पदाधिकारी आणि प्रमुख कार्यकर्त्यांशी संवाद साधला. यावेळी त्यांनी निवडणुकीतील भाजपच्या खोटय़ा प्रचाराची पोलखोल केली. उत्तर प्रदेशच्या निवडणुकीत आमच्या समर्थकांची दिशाभूल करण्यासाठी भाजप आणि आरएसएसने अपप्रचार सुरू ठेवला होता, असा आरोप मायावती यांनी केला.