संभाजी महाराजांचे स्मारक हवेलीत उभारणार ; २५० कोटीची तरतूद ; अजित पवारांची घोषणा….

पॉलिटिक्स स्पेशल लाईव्ह
मुंबई :- स्वराज्यरक्षक छत्रपती संभाजी महाराजांच्या स्मारक (Chhatrapati Sambhaji Maharaj Memorial) उभारणीच्या कामाला उपमुख्यमंत्री अजित पवार (ajit pawar) यांनी विधानसभेत अर्थसंकल्प सादर करताना स्मारकासाठी 250 कोटी रूपयांची तरतूद करण्यात आली आहे.
स्वराज्यरक्षक छत्रपती संभाजी महाराज हे महाराष्ट्राचे आराध्य दैवत आहेत.
महाराष्ट्राची अस्मिता आहेत. स्वराज्याच्या रक्षणासाठी, विस्तारासाठी त्यांनी दिलेले योगदान अतुलनीय आहे असे उपमुख्यमंत्री अजित पवार म्हणाले. छत्रपती संभाजी महाराजांच्या कार्यकर्तृत्वाला साजेसे स्मारक वढु बुद्रुक येथे उभारण्यात यावे. हे स्मारक उभारताना त्याला ‘हेरिटेज’ टच असावा. स्मारकाचे काम करताना छत्रपती संभाजी महाराजांच्या समकालीन वास्तुरचनांचा आधार घ्यावा. वढु बुद्रुक येथे छत्रपती संभाजी महाराजांच्या समाधीचे दर्शन घेण्यासाठी, त्यावर नतमस्तक होण्यासाठी दरवर्षी लाखो नागरिक येतात. येथे दर्शनासाठी येणाऱ्या चाहत्यांची योग्य सोय व्हावी, याची काळजी घेण्यात यावी. छत्रपती संभाजी महाराजांच्या समाधीचे पावित्र्य जपून परिसराच्या विकासाचे काम, सर्वांच्या संमतीने, सर्वांना सोबत घेऊन भव्यदिव्य स्वरुपात करण्यात यावे.