विडूळ गावात घुसली नीलगाय ; 6 तास घातली धुडगूस ; दोन जण जखमी….

पॉलिटिक्स स्पेशल लाईन
यवतमाळ :- कळपातून भटकलेल्या एक नीलगायीने यवतमाळ जिल्ह्यातील विडूळ येथे तब्बल 6 तास धुडगूस घातला. नीलगायीने 2 जणांना जखमी केले असून त्यांना जवळच्या रुग्णालयात दाखल करण्यात आले आहे.
जंगलातील रोहीच्या कळपाचा श्वानाने पाठलाग केला. त्यामुळे कळपातील एक नीलगाय (रोही) विडूळ या गावाकडे भरकटली. कळपापासून दूर गेल्याने ही नीलगाय सैरभर झाली आणि गावात सैरावैरा पळू लागली. तिने अनेक घरांचा आश्रय घेतला.
गावकरीही तिला हाकलून लावणासाठी प्रयत्न करीत होते त्यामुळे ही नीलगाय आणखीनच सैरावैरा पळू लागली. अखेर गावकऱ्यांनी याची माहिती वनविभागाला दिली. त्यानांतर बचाव पथक गावात दाखल झाले.
बचाव पथकाने या नीलगायीला बेशुद्ध कारण्याचा प्रयत्न केला. तब्बल सहा तासाच्या अथक प्रयत्नाने या नीलगायीला बेशुद्ध करण्यात बचाव पथकाला यश मिळाले. नीलगायीला ताब्यात घेण्यात आल्यानंतर गावकऱ्यांनी सुटकेचा निश्वास टाकला.
जखमी नीलगायीवर उपचार करून तिला तिच्या नैसर्गिक अधिवासात सोडून देण्यात आले. मात्र तब्बल सहा तास या नीलगायीने गावकऱ्यांना वेठीस धरले होते. वनविभागाने तिला ताब्यात घेतल्याने सर्वाना दिलासा मिळाला.