एटीएम मशीन फोडून रोकड केली लंपास ; महागाव तालुक्यातील घटना ; चोरटे शोधण्याचे पोलिसांसमोर आव्हान

पॉलिटिक्स स्पेशल लाईव्ह
अनिल बोंपिलवार :९४२३६५२४६३
हिवरा सं. – महागाव :

मध्यरात्रीच्या सुमारास एटीएम मशीन गॅस कटर च्या साहाय्याने फोडून त्यामध्ये असलेली रोकड लंपास केल्याची घटना आज सकाळी ९ च्या सुमारास हीवरा संगम येथे उघडकीस आली आहे.

महागाव तालुक्यातील हीवरा येथे माहूर रोडवर असलेल्या हिताची कंपनीचे एटीएम मशीन आहे.मध्यरात्री या एटीएम मशीन ला गॅस कटर च्या साहाय्याने फोडून त्यामध्ये अंदाजित ४ लाख रोकड अज्ञात चोरट्यांनी लंपास केली.तत्पूर्वी चोरट्यांनी एटीएम मशीन कक्षात प्रवेश करण्यापूर्वी सुरक्षतेसाठी असलेले सीसीटीव्ही कॅमेरे फोडून टाकले. हे विशेष. घटनेची माहिती पोलिसांना देण्यात आली असून पोलिसांचा फौजफाटा घटनास्थळी रवाना झाला आहे.

महागाव तालुक्यातील वाढती गुन्हेगारी आणि चोरीचे प्रमाण पाहता कायदा व सुव्यवस्था धोक्यात येण्याची शक्यता नाकारता येत नाही.