उष्णतेच्या लाटेचा रेड अलर्ट तर कुठे पावसाचा इशारा, वर्धा ४७.१, नागपूर ४६.६ अंशांवर…

पॉलिटिक्स स्पेशल लाईव्ह
नागपूर :- “मान्सून आगेकूच करत असतानाच दुसरीकडे वाढत्या उष्णतेने नागरिकांना हैराण केले आहे. विदर्भात तर सूर्य अक्षरश: आग ओकत असून, बुधवारी वर्धा येथे ४७.१ अंश सेल्सिअस एवढ्या कमाल तापमानाची नोंद झाली.

दुसरीकडे कोकणसह मध्य महाराष्ट्रातील काही जिल्ह्यांत विजेच्या कडकडाटासह पावसाची शक्यता आहे.

उर्वरित राज्याच्या तुलनेत मुंबईकरांना दिलासा आहे. मुंबईचे कमाल तापमान ३४ अंश सेल्सिअस नोंदविण्यात आले असून, मुंबईत काही प्रमाणात हवामान ढगाळ आहे.

मान्सूनची काय स्थिती?

मान्सून सध्या दक्षिण श्रीलंका आणि आग्नेय म्यानमार येथे स्थिरावलेला आहे. पण पुढील काही दिवसांत तो पुढे सरकण्याची शक्यता असून पुढील आठवड्यात केरळमध्ये पोहोचण्याची अपेक्षा आहे.

रेड अलर्ट : अकोला, अमरावती व वर्धा.
ऑरेंज : नागपूर, यवतमाळ व चंद्रपूर.
ऑरेंज : अकोला, अमरावती, वर्धा आणि अमरावती या जिल्ह्यांत ऑरेंज अलर्ट.

कुठे किती पारा…

वर्धा ४७.१°
नागपूर ४६.६°
अमरावती ४६.४°
चंद्रपूर ४६.२°
अकोला ४५.२°
यवतमाळ ४५.२°
गोंदिया ४४.९°
वाशिम ४२.६°
जळगाव ४२.१°
छ. संभाजी नगर ४१.६°
मालेगाव ४१.६°
बुलडाणा ४१°
बीड ४०.४°