गडचिरोलीत हिरो कंपनीच्या शोरुमची इमारत कोसळली, तीन जणांचा मृत्यू तर तीन जण जखमी….

पॉलिटिक्स स्पेशल लाईव्ह
गडचिरोली :- “गडचिरोली जिल्ह्यातील आरमोरी शहरात हिरो कंपनीच्या टू व्हीलर वाहनांच्या शोरुमची इमारत कोसळल्याची घटना घडली आहे. यामध्ये तीन कामागारांचा मृत्यू झाला आहे तर तीन कामगार जखमी झाले आहेत.

या इमारतीखाळी एकूण 6 जण दबले होते. यामध्ये तीन जणांचा मृत्यू झाल्याची माहिती समोर आली आहे.

जखमी झालेल्या तीन जणांवर उपजिल्हा रुग्णालय आरमोरीत उपचार सुरु

गडचिरोली जिल्ह्यातील आरमोरी शहरात धक्कादायक घटना घडली आहे. दुचाकी शोरुमची इमारत कोसळून तीन कामगारांचा मृत्यू झाला आहे. तर तीन कामगार जखमी झाले आहेत. गडचिरोलीच्या आरमोरी शहरातील सायंकाळी ही घटना घडली आहे. आरमोरी येथील भगतसिंग चौकात हिरो शोरुम इमारत होती. या इमारतीच्या मागच्या बाजूची भिंत कोसळल्याने सहा जण भिंतीच्या मलब्यात दबले होते. यामधील तीन जणांचा मृत्यू झाला आहे. तर तीन जणांना जीवंत बाहेर काढण्यात यश आलं आहे. दरम्यान, जखमी झालेल्या तीन जणांवर उपजिल्हा रुग्णालय आरमोरी येथे उपचार सुरु आहेत.

मृत कामगारांची नावे

1) आकाश बुराडे रा. निलज ता. ब्रम्हपुरी जि. चंद्रपूर
2) केतू शेख रा . वडसा ता. जि. गडचिरोली
3) अशपाक शेख रा. वडसा जि. गडचिरोली

जखमी झालेल्या कामगारांची नावे

1. दीपक अशोक मेश्राम रा. आरमोरी जि. गडचिरोली
2. विलास कवडू मने रा. आरमोरी जि. गडचिरोली
3. सौरभ रवींद्र चौधरी रा . मेंढकी ता. ब्रम्हपुरी जि. चंद्रपूर हे तीन व्यक्ती जखमी आहेत.