भारतीय कम्युनिस्ट पक्ष व आयटक च्या वतीने स्मार्ट विद्युत मीटर विरोधात निवेदन….

पॉलिटिक्स स्पेशल लाईव्ह
पुसद :- स्मार्ट प्रिपेड विद्युत मीटर ला संपूर्ण राज्य भरात सर्वच स्तरातून विरोध होत असतानाही स्मार्ट प्रिपेड मीटर बसविण्याची प्रक्रिया विजवितरण महामंडळ तर्फे राबविण्यात येत आहे. मोबाईल प्रमाणे रिचार्ज करा व वीज वापरा अशी सुविधा या मीटर द्वारे देण्यात येणार आहे. आजच्या युगात वीज मानवाची मूलभूत गरज झाली आहे. प्रिपेड मीटर मधील रिचार्ज संपला तर पुरवठा खंडित होईल व वीज अभावी नागरिकांना प्रचंड त्रास सहन करावा लागेल. तसेच कंत्राटी कामगारांना बेरोजगारी ला सामोरे जावे लागेल. यामुळे सदर स्मार्ट मीटर प्रक्रियेला जनतेचा प्रचंड विरोध आहे त्याच अनुषंगाने भारतीय कम्युनिस्ट पक्ष व पक्षाशी संलग्न आयटक, तसेच विजवितरण चे कंत्राटी कामगार संघटना यांनी संयुक्तिक उपविभागीय अधिकारी पुसद यांना निवेदन देऊन विरोध दर्शविला आहे. व पुसद मध्ये स्मार्ट मीटर बसविण्याची प्रक्रिया बंद करण्यात यावी अशी मागणी केली आहे.

यावेळी पक्षाचे तालुका सचिव अमोल गवरशेट्टीवार व आयटक चे तालुका सचिव डॉ. खुर्शीद वजुद यांच्यासह कंत्राटी कामगार संघटनेचे गजानन वाकोडे, सुरेंद्र कांबळे, दिलीप राठोड, सुभाष अटक , गजानन सोडगीर, वामन चोपडे, दत्तप्रभु पौळ, महेश मंदाडे, गजानन चौधरी, भास्कर बन्सोड, ज्ञानेश्वर मोरे, शुभम भरकाड, नंदलाल राठोड, संदीप करे, ऋषभ अडकीने, किशोर वायकुळे, प्रदीप ढोबळे, ज्ञानेश्वर पवार, राहुल मारकड, माणिक पवार, गजानन भरगाडे, निलेश आडे व असंख्य कार्यकर्ते उपस्थित होते.