पंतप्रधान नरेंद्र मोदींविरोधात अविश्वास ठरावाची नोटीस, विरोधक लोकसभेत आक्रमक…!

पॉलिटिक्स स्पेशल लाईव्ह
नवी दिल्ली :- गेल्या दोन ते तीन महिन्यांपासून मणिपूरमधली परिस्थिती दिवसेंदिवस चिघळतच आहे. त्यात मणिपूरमधील दोन महिलांची नग्न धिंड काढल्याचा व्हिडीओ व्हायरल झाल्यानंतर या मुद्द्यावरून वातावरण अधिकच तापलं असून त्याचे पडसाद देशभरात उमटू लागले आहेत.

संसदेच्या पावसाळी अधिवेशनामध्ये विरोधक आक्रमक झाल्याचं पाहायला मिळत आहे. पंतप्रधान नरेंद्र मोदींनी मणिपूरमधील महिलांच्या व्हिडीओर दोन महिन्यांनी प्रतिक्रिया दिल्यामुळे संतप्त झालेल्या विरोधकांनी आज लोकसभेत मोदी सरकारविरोधात अविश्वास ठरावाची नोटीस अध्यक्षांकडे दिली आहे.