सभागृहाच्या नियमांना बगल देण्याचे प्रकार वाढले ; अजित पवार यांचा विधानसभेत घणाणात….

पॉलिटिक्स स्पेशल लाईव्ह
मुंबई :- विधिमंडळ सभागृहांचे कामकाज भारतीय संविधान, नियम, प्रथा आणि परंपरेनुसार चालते. अलीकडच्या काळात बऱयाच प्रथा, परंपरा आणि नियमांना बगल देण्यात येत असल्याचा आरोप विधानसभेचे विरोधी पक्षनेते अजित पवार यांनी आज सभागृहात केला.

विरोधी पक्षनेते अजित पवार यांनी कामकाजाच्या नियमावर बोट ठेवून या विषयाला वाचा फोडली. विविध आयुधांचा वापर करून सदस्यांनी सादर केलेल्या सूचना मान्य किंवा अमान्य याची माहिती सदस्यांना मिळत नाही, कपात सूचनांची यादी सर्व सदस्यांना दिली जात नाही तसेच ही यादी कार्यवाहीसाठी मंत्रालयीन विभागांना पाठवली की नाही याची माहिती देण्यात यावी तसेच ‘ऑर्डर ऑफ द डे’ रात्री बारा वाजेनंतर संकेतस्थळावर देण्यात येत असल्याने दुसऱया दिवशीच्या कामकाजाची माहिती सदस्यांसह मंत्र्यांनासुद्धा मिळत नाही. तरी यात तत्काळ सुधारणा करून सभागृहाच्या नियम, प्रथा-परंपरांचे योग्य प्रकारे पालन करण्याची मागणीही अजित पवार यांनी केली. ‘ऑर्डर ऑफ द डे’ रात्री किमान दहा वाजेपर्यंत संकेतस्थळावर टाकण्याची मागणीही अजित पवार यांनी केली. यावर योग्य ती सुधारणा करण्याचे आश्वासन विधानसभेचे अध्यक्ष राहुल नार्वेकर यांनी दिले.