यवतमाळ वनविभागातील पर्यटनस्थळे खुली…..

पॉलिटिक्स स्पेशल लाईव्ह
यवतमाळ दि. 05 एप्रिल, :- कोविड-19 विषाणूच्या प्रसारावर नियंत्रण ठेवण्यासाठी बंद ठेवण्यात आलेली वनविभागाची पर्यटन स्थळे शासनाच्या सूचनेनुसार 1 एप्रिल 2022 पासून पर्यटकांसाठी खुली करण्यात आली आहेत.
सुरू करण्यात आलेल्या वनपर्यटन स्थळांमध्ये यवतमाळ तालुक्यातील उमरसरा येथील ऑक्सीजन पार्क व वसंत स्मृती वनउद्यान तसेच वडगाव-जांब येथील जैवविविधता उद्यान, आर्णी येथील मांगुळ वनउद्यान, नेर येथील वनउद्यान (ॲरोमा पार्क), दारव्हा येथील दारव्हा वनउद्यान तसेच श्री. महालक्ष्मी संस्थान देऊळगाव (वळसा) वनउद्यान या पर्यटन स्थळांचा समावेश असल्याचे उपवनसंरक्षक आनंद रेड्डी यांनी कळविले आहे.