हरभजन सिंग ची राजकारणात एन्ट्री ; आप कडून मोठी ऑफर….

पॉलिटिक्स स्पेशल लाईव्ह
नवी दिल्ली :- पंजाबमध्ये नुकत्याच विधानसभा निवडणुका पार पडल्या. या निवडणुकीत आम आदमी पार्टीनं दणदणीत विजय मिळवला आहे. पंजाबमध्ये बहुमत मिळाल्यामुळे आपच्या भगवंत मान यांनी मुख्यमंत्रीपदाची शपथ घेतली आहे.
विधानसभा निवडणुक प्रचारावेळी सरकार आपलं आलं तर खेळाला प्राधान्य दिलं जाईल, अशी घोषणा भगवंत मान यांनी केली होती. यानंतर आता आम आदमी पक्ष माजी खेळाडू हरभजन सिंगला राज्यसभेत पाठवण्याचा विचार करत आहे. त्याला स्पोर्ट युनिव्हर्सिटीची जबाबदारी सोपवली जाऊ शकते.
महिन्याच्या शेवटी राज्यसभेसाठी आम आदमी पक्षाला पाच जागा मिळणार आहेत. पक्षाच्या वरिष्ठ नेत्यांनी हरभजनच्या नावाला हिरवा कंदील दिला आहे. यातलं पहिलं नाव हरभजन सिंगचं असू शकतं. लवकरच याची घोषणा व्हायची शक्यता आहे.
पंजाबमध्ये आमचा विजय झाला तेव्हा हरभजन सिंगने ट्विट करून भगवंत मान यांना शुभेच्छा देखील दिल्या होत्या. आपचं अभिनंदन मुख्यंमंत्री होणाऱ्या माझ्या मित्राला भगवंंत मानला शुभेच्छा, असं टविट केलं होतं.