मनसेचा वर्धापन दिन पुण्यात साजरा होणार….

पॉलिटिक्स स्पेशल लाईव्ह
मुंबई :- महाराष्ट्र नवनिर्माण सेनेचा यंदाचा वर्धापनदिन पहिल्यांदाच मुंबईबाहेर होणार
सध्या मुंबईत राजकीय घडामोडींनी वेग घेतला आहे. महापालिका निवडणुकीच्या पार्श्वभूमीवर सत्ताधारी आणि विरोधक अनेक निर्णयही घेताना दिसत आहेत.
या निवडणुकीत मनसेनेही चांगलीच कंबर कसली आहे. (Maharashtra Navnirman Sena) दरम्यान, यंदाचा मनसेचा १६ वा वर्धापनदिन पुण्यात (Pune) होणार असल्याची माहिती देण्यात आली आहे. महाराष्ट्र नवनिर्माण सेनेचा यंदाचा वर्धापनदिन पहिल्यांदाच मुंबईबाहेर (Mumbai) होणार असल्याचे सांगण्यात येत आहे. 
येत्या ९ मार्चला मनसेचा १६ वा वर्धापन दिन साजरा होत आहे. या पार्श्वभूमिवर मनसेकडून वर्धापन दिनाची जय्यत तयारी सुरु आहे. गणेश कला क्रीडा मंच येथे हा भव्य वर्धापनदिनचा सोहळा पार पडणार आहे. काही दिवसांत पुणे महापालिकेच्या (Pune) निवडणुका होणार आहेत, त्याच पार्श्वभूमीवर मनसे आता या वर्धापन दिनानिमित्त मोठं शक्ती प्रदर्शन करणार असल्याचे खात्रीलायक सुत्रांनी सांगितले आहे.