ठाकरेंचे १६ तर काँग्रेसचे १० आमदार करणार शिवसेनेत प्रवेश?

पॉलिटिक्स स्पेशल लाईव्ह
मुंबई :- “शिवसेना (शिंदे गटाची) २३ जानेवारी ते ९ फेब्रुवारीदरम्यान मुंबईसह राज्यभर सदस्य नोंदणी सुरू करण्यात येणार असल्याची माहिती माजी खासदार राहुल शेवाळे यांनी दिली.

या वेळी महापालिकेवर पुन्हा भगवा फडकवण्यासाठी शिवसेना सज्ज असल्याचा विश्‍वास त्यांनी व्यक्त केला.

वांद्रे बीकेसी येथील मैदानावर २३ जानेवारी रोजी संध्याकाळी सहा वाजता उपमुख्यमंत्री एकनाथ शिंदे आणि शिवसेनेच्या मंत्र्यांचा नागरी सत्कार करण्यात येणार आहे. या कार्यक्रमानिमित्त शिवसेनेच्या वतीने लाडक्या बहिणींना निमंत्रित केल्याचे शेवाळे यांनी सांगितले.

या वेळी शिवसेना ठाकरे गटाचे १६ आमदार आणि काँग्रेसचे १० आमदार शिंदे गटात लवकरच प्रवेश करणार असून, काही खासदारही संपर्कात असल्याची माहिती त्यांनी दिली.