“परीक्षा पे चर्चा” परिक्षेचा ताण व अस्वस्थता दूर करण्यासाठी प्रधानमंत्री संबोधणार विद्यार्थ्यांना ; 1 एप्रिल रोजी सकाळी 11 वाजता विविध माध्यमांद्वारे थेट प्रसारण….

पॉलिटिक्स स्पेशल लाईव्ह
यवतमाळ दि. 31 मार्च :- येत्या 26 एप्रिल पासून सी.बी.एस.सी.बोर्डाच्या दहावी व बारावी च्या परिक्षा सुरू होत आहे. विद्यार्थ्यांवरील परिक्षेचा ताण व त्यांची अस्वस्थता दूर करण्यासाठी प्रधानमंत्री नरेंद्र मोदी 1 एप्रिल रोजी सकाळी 11 वाजता विद्यार्थ्यांना संबोधीत करणार आहेत. दिल्लीच्या तालकटोरा स्टेडीयमवर होणाऱ्या या कार्यक्रमाचे विविध माध्यमांद्वारे थेट प्रसारण होणार आहे.
जवाहर नवोदय विद्यालय, केंद्रीय विद्यालय तसेच सी.बी.एस.सी.बोर्डचे विद्यार्थी, पालक व शिक्षक यांनी या कार्यक्रमाचा लाभ घ्यावा, असे आवाहन जवाहर नवोदय विद्यालयाचे प्राचार्य कमलाकर धोपटे यांनी केले आहे.