ढगाळ वातावरणामुळे व्हायरल इन्फेक्शन अन् दवाखाने हाऊस फुल्ल…..

पॉलिटिक्स स्पेशल लाईव्ह
पुरुषोत्तम कुडवे ९३७०४६४८२४
दिग्रस :- शहरासह जिल्ह्यात गेल्या चार दिवसापासून दिवसभर ढगाळ वातावरण पसरले आहे.त्याचा परिणाम मोठ्या प्रमाणावर व्हायरल इन्फेक्शन झाले आहे. या जिल्ह्यात यावर्षी थंडी प्रमाण निश्चितच लक्षणीय आहे. मोठ्या प्रमाणावर पाऊस त्याचबरोबर इतरत्र वातावरणातील बद्दल सुद्धा कारणीभूत ठरला आहे. गेल्या दोन दिवसापासून वातावरण पूर्णत: बदललेले आहे. विशेषतः चार दिवसापासून सूर्य दर्शनच नाही. दिवसभर ढगाळ वातावरण कायम आहे. त्याचा परिणाम हवेत कमालीचा गारवा आहे. थंड वारे आणि गारव्यामुळे वातावरणातील बदलाने व्हायरल इन्फेक्शन सुद्धा होत आहे. आणि थंड हवेने सर्वदूर सर्दी, खोकला, अंगदुखी, अशा तक्रारी मोठ्या प्रमाणावर समोर येऊ लागल्या आहेत. कोरोना पार्श्वभूमीवर या तक्रारीमुळे नागरिक कमालीचे अस्वस्थ आहेत. भीतीपोटीच काहींनी रुग्णालयाकडे जावयास सर्रास टाळाटाळ सुरू केली आहे. तर काहींनी कोरोनाचा धास्तीने सर्व प्रकारच्या चाचण्या सुद्धा करावयास सुरुवात केली आहे.त्यामुळे दवाखान्यात तोबा गर्दी दिसून येते आहे.