महाराष्ट्र लोकसेवा आयोगाच्या ( MPSC ) परीक्षा पुढे ढकलण्याची रयतची मागणी

पॉलिटिक्स स्पेशल लाईव्ह

महाराष्ट्र लोकसेवा आयोग (MPSC) कडून राज्यसेवा पूर्व परीक्षा २०२० ही २० सप्टेंबर २०२० रोजी घेण्याचे नियोजित आहे.परीक्षा केंद्र निवड करण्यासाठी मुभा देण्यावरून आयोग गोंधळलेला दिसतो आहे,कोरोना महामारीच्या काळात आयोग परीक्षा कशी घेईल ह्या चिंतेत विद्यार्थी आहे त्यामुळे लॉकडाऊनची परिस्थिती सामान्य झाल्यानंतर परीक्षा घेण्यात याव्यात व २० सप्टेंबर रोजी होणारी परीक्षा पुढे ढकलण्यात यावी अशी मागणी रयत क्रांती संघटनेचे युवा प्रदेशाध्यक्ष पांडुरंग शिंदे यांनी केली आहे.

महाराष्ट्र लोकसेवा आयोगाने डिसें २०२० या काळात प्रसिद्ध केलेल्या जाहिरातीनुसार राज्यसेवा पूर्व परीक्षा ही ०५ एप्रिल रोजी होणार होती पण कोरोना या जागतिक महामार्गामुळे परीक्षा २० सप्टेंबर रोजी घेणे नियोजित आहे या परीक्षा घेण्यावर पांडुरंग शिंदे यांनी काही प्रश्न उपस्थित केले आहेत ते म्हणाले की, कोरोना संबधीत नेमकी कोणती व कश्या प्रकारे आयोग दक्षता घेणार आहे?

याची माहिती पालक वर्गासाठी आयोगाने जाहीर करावी. परिक्षा केंद्रा बाबत आयोग अजून गोंधळ वाढवत आहे. तालुका ठीकाणा पासून जिल्हा ठिकाणी जाने देखील अशक्य आहे, सार्वजनिक वाहतुक व्यवस्था पुर्ववत होण्यची शाश्वती नाही. अशा काळात विद्यार्थी परीक्षा केंद्रावर कसे येतील व तिथे आल्यानंतर त्यांना पिण्याचे पाणी व नाष्ट्याची व्यवस्था होणार आहे का? परीक्षा दिवसभर असणार आहे त्यामूळे, कोरोना प्रादुर्भाव निकष पाळले जातील असे नाही, त्यामुळे प्रादुर्भाव वाढण्याचीच जास्त शक्यता ह्यासंबंधी आयोगाने काय उपाययोजना केल्या आहेत.

विद्यापीठीय परीक्षा परीक्षार्थी ची काळजी सरकार करते तर येथे वेगळी भुमिका का? राज्यात अडीच ते तीन लाख विद्यार्थी ही परीक्षा देणार आहेत हे सर्व विद्यार्थी एकाच दिवशी बाहेर आले तर लॉक डाऊनचा फजा उडेल व कोरोना एका जरी विद्यार्थ्यांला झाला तर परिस्थिती हाता बाहेर जाईल. अश्या मेडिकल आणीबाणी काळात परीक्षा न घेता सर्व परिस्थिती सामान्य झाल्यानंतर परीक्षा घ्याव्यात.

राज्यातील अनेक विद्यार्थी मुंबई, पुणे, नाशिक, औरंगाबाद, नागपूर अशा मोठ्या शहरात परीक्षेची तयारी करत असतात ते सर्व लॉकडाऊन मुळे आपल्या मूळ गावी आले आहेत. त्या सर्व विद्यार्थ्यांच्या सोयीसाठी परीक्षा केंद्र निवडण्याचे स्वातंत्र्य देऊन परीक्षा ह्या सर्व परिस्थिती सामान्य झाल्यानंतर घेतल्या तर विद्यार्थी चांगल्या मानसिकतेत या परीक्षा देतील.

–