आमची वहिनी वायफळ बोलते, तिने कधी संस्कार पाहिले नाहीत ; यशोमती ठाकूरांचे नवनीत राणांना प्रत्युत्तर….

पॉलिटिक्स स्पेशल लाईव्ह
अमरावती :- “देवासमोर वाढलेलं ताट खाण्याचं काम माझ्या नणंद बाईने केलं आहे. दहा वर्षे मतदारसंघाला मागे नेण्याचे काम त्यांनी केलं. माझी नणंद बाई 3 टर्म पासून तिवसा मतदारसंघाची लोकप्रतिनिधी आहे.

त्यांना फक्त कडक नोटा आवडतात”, अशी टीका माजी खासदार नवनीत राणा यांनी माजी मंत्री यशोमती ठाकूर यांच्यावर केली होती. दरम्यान, तिवसा येथे पार पडलेल्या सभेत यशोमती नवनीत राणा यांना प्रत्युत्तर दिलं आहे. यावेळी ठाकरे गटाचे प्रमुख उद्धव ठाकरे हेही उपस्थित होते.

हे बाप चोरणारे लोकं आहेत, सोन चांदी पण चोरतात

यशोमती ठाकूर म्हणाल्या, भाजपने संविधान तोडलं. दोन पक्ष फोडले, सुप्रीम कोर्ट म्हणते आम्ही निकाल देणार अरे कधी देणार तुम्ही निकाल? आम्ही एक एक रुपया जमा करून बळवंत वानखडे यांची लोकसभेची निवडणूक लढवली. आमची वहिनी वायफळ बोलते. तिने कधी संस्कार पाहिले नाही म्हणून ती अशी बोलते. तुम्ही माझ्या भावाला बोलताय हे लक्षात ठेवा, असं प्रत्युत्तर यशोमती ठाकूर यांनी नवनीत राणा यांना दिलं आहे. हे बाप चोरणारे लोकं आहेत. सोन चांदी पण चोरतात. तीन हजार प्रत्येक महिलांना मिळणार आणि चार हजार रुपये शेतकऱ्यांना मिळणार आहेत, असंही ठाकूर यांनी सांगितलं.

8 तारखेला सुप्रीम कोर्टात निकाल होता की बतावणी होती?

उद्धव ठाकरे म्हणाले, सुख मे सभी साथ देते हे, लेकिन दुःख मे साथ देता हे वो फरिश्ता होता है. यशोमती ठाकूर खूप आक्रमक आहे म्हणतात, पण त्या कोणाचं ऐकत नाही फक्त माझं एकतात. बळवंतराव काल यशोमती ताई बद्दल काल कोणी तरी काही बोलले पण तुम्ही त्याकडे दुर्लक्ष करा. जनता त्यांचा हिशोब घेईल. 8 तारखेला सुप्रीम कोर्टात निकाल होता की बतावणी होती?.. सगळा बाजार मांडला आहे..संविधान हे मारायलाच निघाले आहेत.. ही लढाई अजून संपली नाही. फडणवीस म्हणाले संविधान लाल आहे, मग काय आम्ही नक्षलवादी आहोत का? मग तुम्ही कोण आहात? असा सवालही उद्धव ठाकरे यांनी केला.