कमी किंमतीत जास्त सोने देण्याचे आमिष देवून लुटणारी टोळी गजाआड ; स्थानिक गुन्हे शाखेची कार्यवाही ; आरोपी कडून ६ लाख २० हजार जप्त
पॉलिटिक्स स्पेशल लाईव्ह
महागाव :
महागाव तालुक्यात आर्णी येथील एका सुवर्णकाराला कमी किंमतीत जास्त सोने देण्याचे आमिष दाखवून २० लाखांनी गंडवणाऱ्या सोनेरी टोळीच्या मुसक्या आवळण्यात महागाव पोलीस प्रशासनासह स्थानिक गुन्हे शाखेला यश आले आहे.या प्रकरणी पोलिसांनी सोनेरी टोळीतील चार संशयित सदस्यांना अटक करण्यात आली आहे.त्यांच्याकडून ६ लाख २० हजार रुपये जप्त करण्यात आल्याची माहिती पोलीस प्रशासनाने दिली आहे.
ही कार्यवाही सदरची कारवाई ही पोलीस अधीक्षक डॉ. श्री. पवन बन्सोड, अपर पोलीस अधीक्षक श्री. पियुष जगताप, उपविभागीय पोलीस अधिकारी श्री. प्रदिप पाडवी यांचे मार्गदर्शनात प्रदीप परदेशी पो.नि. स्थागुशा, सपोनि संजय खंडारे ठाणेदार पो.स्टे. महागांव, सपोनि अमोल सांगळे स्थागुशा, सहा.फौ. नारायण पवार, पोहवा मुन्ना आडे, नापोशी वसीम शेख, संतोष जाधव सर्व पो.स्टे. महागांव तसेच पोहवा सुभाष जाधव, नापोशी पंकज पातुरकर, पोशी ताज मोहम्मद चालक दिगांबर गिते सर्व स्थागुशा व सायबर सेल ने केलेल्या सहकार्याने नमुद पथकांनी यशस्वीरित्या पार पाडली आहे.