राज्यात उद्धव गटाचा, तर देशभरात सातपैकी तीन पोटनिवडणुकांमध्ये भाजपचा दणदणीत विजय……
पॉलिटिक्स स्पेशल लाईव्ह
मुंबई :- देशातील 6 राज्यांतील अनेक जागांवर झालेल्या पोटनिवडणुकांचे निकाल आज जाहीर झाले आहेत. या सात विधानसभा जागांवर 3 नोव्हेंबरला मतदान झाले होते.
त्यानंतर आज याचे निकाल समोर आले आहे. यामध्ये बिहारमधील 2 आणि महाराष्ट्र, उत्तर प्रदेश, हरियाणा, तेलंगणा, ओडिशातील प्रत्येकी एका जागेचा समावेश आहे. बिहारमधील मोकामा आणि गोपालगंज जागेसाठी पोटनिवडणूक झाली, तर हरियाणातील आदमपूर, तेलंगणातील मुनुगोडे आणि ओडिशातील धामनगर जागेसाठी पोटनिवडणूक झाली आहे.
देशातील 6 राज्यांतील 7 विधानसभा जागांसाठी झालेल्या पोटनिवडणुकीत मोकामामध्ये आरजेडी आणि अंधेरीच्या जागेवर उद्धव गटाने बाजी मारली आहे. बिहारमधील गोपालगंज, उत्तर प्रदेशमधील गोला गोकरनाथ आणि हरियाणातील आदमपूरमध्ये भाजपने विजय मिळवला आहे. तेलंगणातील मुनुगोडेमध्ये टीआरएस आघाडीवर आहे. तर ओडिशातील धामनगर जागेवर भाजप आघाडीवर आहे.