आझम खान यांची आमदारकी रद्द ; द्वेषपूर्ण भाषण प्रकरणात ठरले होते दोषी…..
पॉलिटिक्स स्पेशल लाईव्ह
नवी दिल्ली :- समाजवादी पक्षाचे नेते आझम खान यांना 2019 च्या द्वेषपूर्ण भाषण प्रकरणात दोषी ठरवल्यानंतर उत्तर प्रदेश विधानसभेच्या सदस्यत्वासाठी अपात्र ठरविण्यात आले आहे. रामपूर न्यायालयाने गुरुवारी आझम खान यांना द्वेषपूर्ण भाषण प्रकरणी 2000 रुपयांच्या दंडासह तीन वर्षांच्या तुरुंगवासाची शिक्षा सुनावली आहे.
खान यांना दोषी ठरवल्यानंतर, यूपी विधानसभा अध्यक्षांच्या कार्यालयाने शुक्रवारी जाहीर केले की सपा नेते आणि रामपूरचे आमदार आझम खान यांची आमदारकी रद्द करण्यात येत आहे.
रामपूर न्यायालयाने आझम खान यांना 2019 च्या लोकसभा निवडणुकीदरम्यान उत्तर प्रदेशचे मुख्यमंत्री योगी आदित्यनाथ यांच्याविरोधात चिथावणीखोर टिप्पणी केल्याबद्दल दोषी ठरवले आहे.
आझम खान यांना भारतीय दंड संहितेच्या कलम 153ए (दोन गटांमधील वैर वाढवणे), 505 (सार्वजनिक गैरव्यवहारास कारणीभूत असलेले विधान) आणि लोकप्रतिनिधी कायदा 1951 च्या कलम 125 अंतर्गत दोषी ठरवण्यात आले.