माजी गृहमंत्री अनिल देशमुख यांना न्यायालयाकडून मोठा दिलासा….

पॉलिटिक्स स्पेशल लाईव्ह
मुंबई :- राज्याचे माजी गृहमंत्री अनिल देशमुख यांना मुंबई सत्र न्यायालयाने दिलासा दिला आहे.
देशमुख यांना वैद्यकीय उपचारासाठी न्यायालयाने परवानगी देण्यात आली आहे. मागील अनेक दिवसांपासून तुरुंगात असणाऱ्या देशमुखांनी उपचारासाठी रुग्णालयामध्ये जाण्याची परवानगी मागितली होती.

त्यांची ही मागणी आता मुंबई सत्र न्यायालयाने मान्य केली असून जसलोक रुग्णालयात त्यांच्यावरती उपचार करण्यात येणार आहेत. तर जसलोक रुग्णालयामध्ये अॅजिओग्राफी करण्यात येणार असल्याचीही माहीती समोर येत आहे.
न्यायालयाकडून देशमुखांना आज दुसरा दिलासा दिला आहे. कारण मागील काही दिवसांमध्ये देशमुख यांना ईडीच्या गुन्ह्यातून त्यांना जामीन मिळाला होता. परंतु सीबीआयनं दाखल केलेल्या गुन्ह्यात मात्र त्यांना जामीन मिळालेला नसल्यामुळे ते तुरुंगामध्येच आहेत. अशातच आता न्यायालयाकडून उपचारासाठी परवानगी दिली आहे.