हिंगोली बाजार समितीत सोयाबीन ४६०० ते ५००० रुपये क्विंटल…..

पॉलिटिक्स स्पेशल लाईव्ह
हिंगोली :- हिंगोली कृषी उत्पन्न बाजार समितीच्या (Hingoli APMC) धान्य बाजारात (भुसार मार्केट) गेल्या आठवड्यापासून यंदाच्या खरीप हंगामातील नवीन सोयाबीनची आवक (Soybean Arrival) सुरू झाली आहे.
शनिवारी (ता. १) सोयाबीनची ३०० क्विंटल आवक होती. सोयाबीनला प्रतिक्विंटल किमान ४६०० ते कमाल ५००० रुपये तर सरासरी ४८०० रुपये दर (Soybean Rate) मिळाले, अशी माहिती मार्केटमधील सूत्रांनी दिली.
Soybean Rate : सोयाबीन बाजार कसा राहील?
मंगळवारी (ता. २७) ते शनिवार (ता. १) या कालावधीत हिंगोली येथील धान्य बाजारात सोयाबीनची २१८५ क्विंटल आवक झाली. प्रतिक्विंटल सरासरी ४७०७ ते ४८०० रुपये दर मिळाले. शुक्रवारी (ता. ३०) सोयाबीनची ४०० क्विंटल आवक होऊन प्रतिक्विंटल किमान ४६०० ते कमाल ५००० रुपये दर सरासरी ४८०० रुपये दर मिळाले.
गुरुवारी (ता. २९) सोयाबीनची ५०० क्विंटल आवक असताना प्रतिक्विंटल किमान ४६०० ते कमाल ५०११ रुपये तर सरासरी ४८०५ रुपये दर मिळाले. बुधवारी (ता. २८) सोयाबीनची ४८५ क्विंटल आवक असताना प्रतिक्विंटल किमान ४५०० ते कमाल ४८९६ रुपये तर सरासरी ४६९८ रुपये दर मिळाले. मंगळवारी (ता. २७) सोयाबीनची ५०० क्विंटल आवक होऊन प्रतिक्विंटल किमान ४५०० ते कमाल ४९१५ रुपये तर सरासरी ४७०७ रुपये दर मिळाले.