अतिवृष्टी ग्रस्त तालुक्यातील सर्व शाळा कॉलेज १९ जुलै रोजी बंद ; इतर तालुक्यात परिस्थिती नुसार शाळा प्रशासनाने निर्णय घ्यावा :- जिल्हाधिकारी अमोल येडगे यांचे आदेश ; यवतमाळ, बाभुळगाव, कळंब, नेर, वणी,, राळेगाव व मारेगाव तालुक्यातील विद्यार्थ्यांना सुट्टी….
पॉलिटिक्स स्पेशल लाईव्ह
यवतमाळ दि. १८ :- मागील तिन-चार दिवासापासुन जिल्ह्यात संततधार पाऊस सुरु असल्यामुळे तालुक्यातील सर्व नदी-नोले-ओढे दुथडी भरुन वाहत आहेत तसेच सदरील नदी – नाले- ओढ्यावर असलेल्या रहदारी पुलावरुन पाण्याचा प्रवाह वाहत आहे. शाळा व महाविदयालयात शिकणारे विद्यार्थी ग्रामीण भागातून ये-जा करतात पाण्याची परिस्थिती पाहता कोणताही अनुचीत प्रकार घडू नये याकरीता नागरिकांतर्फे प्राप्त विनंती नुसार यवतमाळ, बाभुळगाव, कळंब, नेर, वणी,, राळेगाव व मारेगाव तालुक्यातील सर्व प्राथमिक
शाळा व माध्यमिक शाळा, कॉलेज (शासकिय, निमशाकिय) दिनांक १९ जुलै २०२२ रोजी एक दिवसाकरीता बंद ठेवण्याचे आदेश जिल्हाधिकारी अमोल येडगे यांनी दिले आहेत.
तसेच इतर तालुक्यामधील पुर परिस्थीती लक्षात घेऊन तालुका तहसिलदार तसेच शाळा व्यवस्थापन समिती /
शाळा व्यवस्थापक, मुख्याध्यापक यांनी आवश्यक असल्यास शाळा एक दिवसाकरीता किंवा मध्यानानंतर बंद करण्याची परवानगी देण्यात येत असल्याचे आदेशात नमूद करण्यात आले आहे.