मोठी बातमी ; देशमुख आणि मलिकांना मतदान करता येणार नाही ; महाविकास आघाडीला धक्का…..

पॉलिटिक्स स्पेशल लाईव्ह
मुंबई :- सध्या राज्यात विधान परिषद आणि राज्यसभा निवडणुकांचे बिगूल वाजलंय. यात सगळेच पक्ष जोरदार तयारीला लागले आहे. प्रत्येक पक्ष मतांचा आकडा जुळवण्यासाठी मैदानात उतरला आहे.
याच पार्श्वभूमीवर राष्ट्रवादीचे नेते नवाब मलिक आणि माजी गृहमंत्री अनिल देशमुख सध्या अटकेत आहे.
राज्यसभा निवडणुकीसाठी मलिक आणि देशमुख यांना मतदान करता यावं यासाठी दोघांनी अर्ज केला होता.
मात्र या दोघांचा अर्ज कोर्टाकडून फेटाळण्यात आलाय. यामुळे अनिल देशमुख आणि नवाब मलिक यांना राज्यसभेच्या निवडणुकीत मतदान करता येणार नाही.
१० जून दिवशी राज्यसभेची निवडणुक पार पडणार आहे. सध्या राज्यसभा आणि विधान परिषदेसाठी शिवसेना, राष्ट्रवादी, कॉंग्रेस आणि भाजप असे सगळेच पक्ष मैदानात उतरले आहेत. यामुळे महाविकास आघाडी विरुध्द भाजप ही लढाई पुन्हा एकदा सर्वांना पाहायला मिळणार आहे.