राणांच्या जामीन अर्जावर आज सुनावाणी…..

पॉलिटिक्स स्पेशल लाईव्ह
मुंबई :-  राजद्रोहाच्या आरोपाखाली तुरुंगात असलेल्या नवनीत आणि रवी राणा यांच्यासाठी आजचा दिवस महत्वाचा आहे.
राणा दाम्पत्याच्या जामीन अर्जावर आज मुंबई सत्र न्यायालयात सुनावणी होणार आहे. या सुनावणीकडे सर्वांच्याच नजरा लागल्या आहेत.
राज्य सरकार काय उत्तर देणार?
यापूर्वी 26 एप्रिल रोजी सुनावणी पार पडली होती, त्यावेळी झालेल्या सुनावणी दरम्यान, राणा दाम्पत्याच्या जामीन याचिकेवर 29 एप्रिलपर्यंत उत्तर देण्याचे निर्देश सत्र न्यायालयाच्यावतीने राज्य सरकारला देण्यात आले होते. आज राणा दाम्पत्याच्या जामीन याचिकेवर मुंबई सत्र न्यायालयात राज्य सरकार काय उत्तर देणार, हे पाहणे महत्वाचे आहे.
काय आहे प्रकरण?
दिवसांपूर्वी अमरावतीच्या खासदार नवनीत राणा यांनी काही मुख्यमंत्री उद्धव ठाकरे (Uddhav Thackeray) यांच्या ‘मातोश्री’ निवासस्थानाबाहेर हनुमान चालिसाचे पठण करणार असल्याची घोषणा केली होती. राणांच्या घोषणेनंतर राज्यभरातून तीव्र पडसाद उमटले. शिवसैनिकांनी राणा दाम्पत्याविरोधात मातोश्रीबाहेर ठिय्या दिला. अखेर राणांनी आपली घोषणा मागे घेतली, पण त्यानंतर पोलिसांनी राणांना अटक केली. त्यांच्यावर राजद्रोहाचा गुन्हा दाखल करण्यात आला. सध्या खासदार नवनीत राणा भायखळा कारागृहात आहेत, तर आमदार रवी राणा तळोजा कारागृहात आहेत.