नवनीत राणांना ८० लाखांचं प्रकरण भोवणार….?

पॉलिटिक्स स्पेशल लाईव्ह
मुंबई :- नवनीत राणा आणि रवी राणा यांनी मातोश्रीवर हनुमान चालिसा पठण करण्याची मागणी केल्यानंतर या सर्व प्रकरणात आता राजकीय नाट्य रंगलं आहे.
खासदार नवनीत राणा यांनी दाऊदशी संबंधित युसूफ लकडावाला याच्याकडून 80 लाखांचं कर्ज घेतलं, असा सनसनाटी आरोप शिवसेना नेते संजय राऊत (Sanjay Raut) यांनी केलाय.
नवनीत राणा यांनी घेतलेल्या कर्जाबाबत ईडीनं तपास करायला हवा. हा देशाच्या सुरक्षेचा प्रश्न असल्याचंही राऊत यांनी म्हटलंय. ईडी (ED) या प्रकरणाची चौकशी करेल का? असा सवालही त्यांनी ट्विटद्वारे उपस्थित केलाय.
यानंतर राणांच्या अडचणीत वाढ होणार असल्याचं कळतंय. लकडावाला याच्याशी आर्थिक व्यवहार केल्याचे पुरावे समोर आल्यास त्यांच्याविरोधात तक्रार दाखल होऊ शकते. यानुसार राज्याची आर्थिक गुन्हे शाखा राणांवर कारवाई करण्याची शक्यता आहे.

राणा यांच्यावर राजद्रोहाचा गुन्हा दाखल आहे. कलम १२४ अ अंतर्गत ही कारवाई करण्यात आलीय. यासोबतच पोलिसांना सहकार्य करत नसल्याचा गुन्हाही त्यांच्यावर दाखल आहे, आता आणखी एका गुन्ह्यात त्यांच्या अडचणी वाढण्याची शक्यता आहे.