अमिष शेलार मुख्यमंत्र्यांबद्दल बोलताना तोंड सांभाळुन बोला ; अन्यथा….

पॉलिटिक्स स्पेशल लाईव्ह
मुंबई :-  महाविकास आघाडी सरकारमध्ये (Mahavikas Aghadi) गेल्या काही दिवसांपासून अलबेल नसल्याचं समोर आलं आहे. आघाडी सरकामधील अंतर्गत वादामुळे अनेक मंत्री नाराज असल्याचं समोर येत आहे.
अशातच विरोधक आघाडी सरकारला घेरण्याचा प्रयत्न करत आहेत.
भाजप नेते आशिष शेलार (Ashish Shelar) यांनी ठाकरे सरकारवर हल्लाबोल केला आहे. त्यामुळे पुन्हा एकदा नव्या वादाला तोंड फुटलं आहे. हिंदू सणांचा विषय आला की ठाकरे सरकारच्या हाताला लकवा का मारतो? असा सवाल आशिष शेलार यांनी विचारला आहे. यावर आता शिवसेना नेत्या मनिषा कायंदे (Manisha Kayande) यांनी संताप व्यक्त केला आहे.
आशिष शेलार, मुख्यमंत्र्यांबद्दल तोंड सांभाळून बोला. अन्यथा शिवसैनिक (shivsainik) तुम्हाला पळता भूई सोडणार नाही, असा इशारा मनिषा कायंदे यांनी दिला आहे.
दरम्यान, आतापर्यंत कोरोना परिस्थिती पाहूनच मुख्यमंत्री उद्धव ठाकरे यांनी हिंदू सणांना परवानगी दिली आहे. आरोग्याला प्राधान्य दिल्यानेच महाराष्ट्रातील कोरोना नियंत्रणात राहिला आहे, असंही कायंदे म्हणाल्या.