गोव्यात वर्षात ३ एलपीजी गॅस सिलेंडर मोफत ; राज्य मंत्रिमंडळ बैठकीत निर्णय…..

पॉलिटिक्स स्पेशल लाईव्ह
पणजी :- गोव्यात मुख्यमंत्री डॉ. प्रमोद सावंत (Pramod Sawant) यांचा मंत्रीमंडळाबरोबर काल शपथविधी झाला. त्यानंतर झालेल्या मंत्रिमंडळाच्या बैठकीत भाजप सरकारने जनतेला दिलेले आश्वासन पूर्ण केले आहे.
त्यानुसार गोव्यात वर्षाला ३ एलपीजी गॅस सिलेंडर मोफत मिळणार आहेत.
निवडणूक प्रचारादरम्यान भाजपने सत्तेत आल्यास गोवेकरांना वर्षाला ३ एलपीजी गॅस सिलेंडर मोफत मिळतील असे आश्वासन जाहिरनाम्यात दिले होते. वर्षासाठी महिलांना ३ गॅस सिलिंडर मोफत, ज्येष्ठ नागरिकांना दयानंद सुरक्षा योजनेखाली मिळणारे मानधन वाढवून ३ हजार रुपये, सहा महिन्यांत कायदेशीर मार्गाने खाणी सुरु करणार, अशी प्रमुख अश्वासने जाहिरनाम्यात दिली गेली होती. त्यामुळे ३ सिलेंडरच्या आश्वासनाची पूर्तता आता होणार आहे. आमच्यासाठी ती केवळ आश्वासने नसून ते जनतेला दिलेले वचन आहे, असे मुख्यमंत्र्यांनी सांगितले. तसेच मंत्रिमंडळाने राज्यपालांच्या अभिभाषण मसुद्यालाही मंजुरी दिली आहे.