काँग्रेस नेते राहुल गांधी यांच्या विरोधात नालासोपाऱ्यात भाजपची निदर्शने; राहुल गांधींच्या प्रतिमेचेही केले दहन…

पॉलिटिक्स स्पेशल लाईव्ह
मुंबई :- “नवी दिल्ली येथे सुरु असलेल्या एआय समिट दरम्यान युवक काँग्रेसच्या कार्यकर्त्यांनी केलेले चड्डी बनियान आंदोलन, राहूल गांधी वारंवार करत असलेली देशविरोधी विधाने याच्या निषेधार्थ नालासोपाऱ्यात काँग्रेस नेते राहुल गांधी यांच्या विरोधात भाजपा युवा मोर्चाच्या वतीने निदर्शने करण्यात आली.

यावेळी काँग्रेस नेते राहुल गांधी यांच्या प्रतिमेचे दहन करीत निषेध व्यक्त करण्यात आला.

नालासोपारा पूर्वेच्या तुळींज रस्त्यावरील राधा-कृष्ण हॉटेल परिसरात शनिवारी सायंकाळी ६:३० वाजता मोठ्या संख्येने कार्यकर्ते आणि पदाधिकारी एकत्र आले आणि त्यांनी हे आंदोलन सुरू केले. या आंदोलनादरम्यान काँग्रेस नेते राहुल गांधी यांच्या प्रतिमेचे दहन करण्यात आले आणि त्यांच्या विरोधात तीव्र घोषणाबाजी करण्यात आली.

आंदोलनातील वक्त्यांनी या घटनेचा कडाडून निषेध केला आणि ही घटना देशाची प्रतिष्ठा व सन्मान याला धक्का लावणारी असल्याचे म्हटले. ‘अशा प्रकारचे कृत्य कोणत्याही परिस्थितीत सहन केले जाणार नाही आणि जबाबदार व्यक्तींवर कठोर कायदेशीर कारवाई करण्यात यावी,’ अशी मागणी त्यांनी केली.

निदर्शनस्थळी वातावरण चांगलेच तापले होते, तरीही आंदोलन शांततापूर्ण मार्गाने पार पडले. ‘देशाची एकता, अखंडता आणि सन्मान टिकवण्यासाठीच आमचा हा विरोध आहे,’ असे आंदोलकांनी यावेळी स्पष्ट केले.

कायदा व सुव्यवस्था राखण्यासाठी पोलीस प्रशासनाने चोख बंदोबस्त ठेवला असून परिस्थितीवर लक्ष ठेवून आहेत.