महिला DYSP ला दम दिल्याप्रकरणी अजितदादा एकटे, CM फडणवीस कमालीचे नाराज..? म्हणाले, कोणताही नेता असो….

पॉलिटिक्स स्पेशल लाईव्ह
मुंबई :- “सोलापूर जिल्ह्यातील करमाळ्यामधील महिला DYSP अंजना कृष्णा यांना राज्याचे उपमुख्यमंत्री अजित पवार यांनी थेट फोनवरुन दम दिल्याचा व्हिडिओ काही दिवसांपूर्वी सोशल मीडियावर व्हायरल झाला होता.

यामुळे मोठा वादही निर्माण झाला होता. विरोधकांकडून तर अजित पवारांवर टिका होत होत्या. तर दुसरीकडे आता समोर आलं आहे की, महायुती सरकारमध्येही अजित पवार एकटे पडले असल्याचं समोर आलं आहे.

अंजना कृष्णा प्रकरणात उपमुख्यमंत्री अजित पवार यांचा व्हिडिओ समोर आल्यानंतर राज्याचे मुख्यमंत्री देवेंद्र फडणवीस यांनी नाराजी व्यक्त केली आहे. ‘या व्हिडिओमुळे सरकारची प्रतिमा मलिन झाल्याचं’, मुख्यमंत्री फडणवीस म्हणाले असल्याचं सांगण्यात येत आहे.

मुख्यमंत्री देवेंद्र फडणवीस यांनी संबंधित महिला पोलिस अधिकाऱ्याच्या पाठीशी ठाम असल्याचा विश्वास दिला आहे. ‘सरकारमधील कोणताही नेता असो, अधिकाऱ्यांचा सन्मान हा अबाधित राहायलाच हवा’, असा संदेश फडणवीसांनी दिला असल्याचं खात्रीलायक सूत्रांकडून सांगितलं जात आहे. या खंबीर भूमिकेनंतर अजित पवार यांनी एक पाऊल मागे घेतल्याचं देखील सूत्रांनी सांगितलं आहे. अजित पवार यांनी थेट DYSP अंजना कृष्णा यांना दमदाटी केल्यानं त्यांच्यावर टीकेचे बाण सोडले जात होते. तर, दुसरीकडे राज्याचं राजकारणही तापलं आणि विरोधकांना एक नवीन विषय मिळाला. अजित पवारांना त्यांच्या कार्यकर्त्याने नाहीतर तर एका मध्यस्थाच्या माध्यमातून फोन लावण्यात आला असल्याचा दावा खासदार धैर्यशील मोहिते पाटील यांनी केला होता. दरम्यान, अजितदादा आणि महिला अधिकारी या दोघांच्या संवादाचा व्हिडिओ व्हायरल केल्याप्रकरणी राष्ट्रवादीच्या कार्यकर्त्यांविरोधात गुन्हा दाखल करण्यात आला आहे.

DYSP अंजना कृष्णा या अवैध मुरूम उत्खननावर कारवाई करण्यासाठी गेल्या होत्या. मात्र, स्थानिक राष्ट्रवादीचा कार्यकर्ता बाबाराजे जगताप याने थेट उपमुख्यमंत्री अजित पवार यांना फोनू लावून अंजना कृष्णा यांच्या हातात दिला. अजित पवार तिकडून म्हणाले की, ‘आत्ताच्या आता कारवाई थांबवा’, असा आदेत त्यांनी दिला. त्यावेळी ‘मी आपल्याला ओळखलं नाही. तुम्ही व्हिडिओ कॉल करा’, असं अंजना कृष्णा अजित पवार यांना म्हणाल्या. त्यावर ‘तुमच्यात एवढी हिंमत आली…तुमच्याविरोधात मी कारवाई करेन’, असा दम अजितदादा यांनी दिला.