मातोश्रीवर भुंकण्याची सुपारी राणेंना कोणी दिली? सुषमा अंधारेंचा मुख्यमंत्र्यांना सवाल….

पॉलिटिक्स स्पेशल लाईव्ह
मुंबई :- “सुपारी देण्याची गोष्ट करणाऱ्या सन्माननीय मुख्यमंत्र्यांना या गोष्टीचा विसर पडला की सुपारी देण्याची प्रथा तुम्ही पाडली आहे. आम्ही त्याचे कधी भागीदार नाहीत. सकाळपासून संध्याकाळपर्यंत फक्त मातोश्रीवरच भुंकणे ही सुपारी राणेंना कोणी दिली?’ असा शिवसेना ठाकरे गटाच्या नेत्या सुषमा अंधारे यांनी मुख्यमंत्री देवेंद्र फडणवीस यांना केला आहे.

कॉमेडियन कुणाल कामराने उपमुख्यमंत्री एकनाथ शिंदे यांच्यावर केलेल्या एका कवितेने महाराष्ट्राचे राजकारण तापले आहे. मुख्यमंत्री देवेंद्र फडणवीस यांनी कुणाल कामराला कोणी सुपारी दिली असा सवाल विधानसभेत केला. यानंतर आता शिवसेना ठाकरे गटाच्या उपनेत्या सुषमा अंधारे यांनी ‘मातोश्रीवर भुंकण्याची सुपारी राणेंना कोणी दिली’, असे म्हणत मुख्यमंत्री देवेंद्र फडणवीसांवर हल्लाबोल केला आहे.

सुषमा अंधारे म्हणाल्या की, संविधानानुसार प्रत्येकाला अभिव्यक्ती स्वातंत्र्य आहे. हे अभिव्यक्ती स्वातंत्र्य मोकाट अभिव्यक्ती स्वातंत्र्य नाही. कुणाल कामरा हे याच देशाचे नागरिक आहेत. त्यांना हे स्वातंत्र्य असायला हरकत नाही, कुणाल कामराच्या स्टेटमेंटमध्ये कुठेही आशलाघ्य भाषा नाही. कुठलाही कलाकार त्याचं म्हणणं उपहासात्मक पद्धतीनं मांडू शकतो. लोकांनी सोलापूरकरांचा स्टुडिओ फोडला नाही,

मुख्यमंत्री देवेंद्र फडणवीसांनी विधानसभेत कुणाल कामराच्या वक्तव्याचा समाचार घेतला. यावेळी त्यांनी म्हटले की, ‘सुपारी घेऊन राज्याच्या उच्च पदस्थ नेत्यांबद्दल काहीही बोलणाऱ्यांना सोडणार नाही. कोणी कितीही दबाव आणला तरी लेफ्ट लिबरल, अर्बन नक्षल यांच्यावर कठोरात कठोर कारवाई केली जाईल’, असा इशारा मुख्यमंत्री देवेंद्र फडणवीस यांनी विधानसभेत दिला आहे.
दरम्यान, सुषमा अंधारे यांनी कुणाल कामरा याने सादर केलेल्या कवितेचा व्हिडिओ देखील आज सोशल मीडियावर पोस्ट केला.