डॉ. मोहम्मद नदीम यांना बंधू शोक ; मोहम्मद जावेद यांचे मुंबईत अपघाती निधन…

पॉलिटिक्स स्पेशल लाईव्ह
पुसद/मुंबई :- काँग्रेस नेते डॉ. मोहम्मद नदीम यांचे ज्येष्ठ बंधू निवृत्त असिस्टंट पोलीस कमिशनर मोहम्मद जावेद यांचे दि. 26 रोजी ,मंगळवारी रात्री अकरा वाजता अपघाती निधन झाले. माझगांव मुंबई येथे वास्तव्यास असलेले मोहम्मद जावेद हे आपल्या नित्यक्रमाप्रमाणे रात्री फिरायला गेले होते. फिरत असतांनाच भरधाव टॅक्सीने त्यांना धडक दिली. लगेच त्यांना जे जे हॉस्पिटलमध्ये दाखल करण्यात आले. परंतु डॉक्टरांनी त्यांना मृत घोषित केले.
मोहम्मद जावेद हे पोलीस खात्यातील अत्यंत धडाडीचे आणि प्रामाणिक अधिकारी म्हणून ओळखले जात. राज्यात गाजलेल्या तेलगी मुद्रांक घोटाळ्याच्या तपासातही त्यांनी मोठा सहभाग नोंदवला होता. अतिशय मृदू स्वभावाचे परंतु कणखर असलेले मोहम्मद जावेद यांचे मूळ गाव पुसद तालुक्यातील बोरी ईजारा असून ते काँग्रेस नेते डॉ. मोहम्मद नदीम यांचे ज्येष्ठ बंधू होते. त्यांच्या निधनाने सर्वत्र हळहळ व्यक्त करण्यात येत आहे. मृत्यू समयी ते ७२ वर्षाचे होते. त्यांचे पश्चात पत्नी, दोन मुली,मुलगा आर्थोपेडीक सर्जन डॉ.मुदस्सीर, तसेच आई, भाऊ, बहिणी असा मोठा परिवार आहे. त्यांचा अंत्यविधी मुंबईतील नारियल बाडी कब्रस्तानात करण्यात आला.